ශ්රී ලංකාව සහ වියට්නාමය අතර පවතින දීර්ඝකාලීන ආගමික සහ සංස්කෘතික සබඳතා තවදුරටත් පුළුල් කිරීමේ අරමුණින් වැදගත් ද්විපාර්ශ්වික ගිවිසුමකට අත්සන් තැබීම අද (08) පෙරවරුවේ කොළඹ හිල්ටන් හෝටල් පරිශ්රයේදී සිදු කෙරිණි. දෙරට අතර පවතින මිත්රත්වය නව මානයකට ඔසවා තබමින් අත්සන් තැබුණු මෙම ගිවිසුම හරහා දෙරටේම සංස්කෘතික වටිනාකම් හුවමාරු කර ගැනීමටත්, ආගමික සංචාරක කර්මාන්තය දියුණු කිරීමටත් මඟ පෑදෙනු ඇත.
බුද්ධශාසන, ආගමික හා සංස්කෘතික කටයුතු අමාත්ය ආචාර්ය හිනිදුම සුනිල් සෙනෙවි මහතා සහ වියට්නාමයේ ජනවාර්ගික සහ ආගමික කටයුතු අමාත්ය එන්ගුයෙන් ඩින් කාං (H.E. Nguyen Dinh Khang) මහතා විසින් මෙම ගිවිසුමට නිල වශයෙන් අත්සන් තැබූහ. මෙම අවස්ථාවට දෙරටේම ඉහළ පෙළේ රාජ්ය නිලධාරීන් සහ තානාපති අංශ නියෝජිතයන් රැසක් ද සහභාගී වූහ.
බෞද්ධ උරුමයන් සහිත රටවල් දෙකක් ලෙස ශ්රී ලංකාව සහ වියට්නාමය අතර පවතින සබඳතාව ඉතා ප්රබල වන අතර, මෙම ගිවිසුම මඟින් එම සබඳතාවන් නිල මට්ටමින් තහවුරු කිරීම සිදු වේ. විශේෂයෙන්ම අධ්යාපනික, ආගමික හා කලා ක්ෂේත්රයන්හි දැනුම සහ අත්දැකීම් හුවමාරු කර ගැනීමට මෙහිදී ප්රමුඛතාවය හිමි වේ. දෙරට අතර සෘජු ගුවන් සබඳතා සහ සංචාරක ව්යාපාරය දියුණු කිරීමට ද මෙමඟින් සැලකිය යුතු සහායක් ලැබෙනු ඇති බව අමාත්යවරුන් මෙහිදී අවධාරණය කළහ.
