පාසලක පන්ති කාමරයක් තුළ ඉගෙනුම ලබන සිසුන් සංඛ්යාව සීමා කිරීමට ඉදිරියේදී කටයුතු කරන බව අධ්යාපන සහ උසස් අධ්යාපන නියෝජ්ය අමාත්ය වෛද්ය මධුර සෙනෙවිරත්න මහතා අද (08) පාර්ලිමේන්තුවේදී ප්රකාශ කළේය. දැනට බොහෝ පන්ති කාමරවල සිසුන් 40 සිට 45 දක්වා ඉහළ සංඛ්යාවක් සිටින අතර, ගුරුවරයෙකුට සිය ඉගැන්වීම් කටයුතු වඩාත් ඵලදායී ලෙස සිදු කිරීමට නම් එම සංඛ්යාව අඩු විය යුතු බව අමාත්යවරයා පෙන්වා දුන්නේය. ජාතික ජන බලවේගය රජය බලයට පත්වීමට පෙර සිටම පන්ති කාමරවල පවතින මෙම අධික ශිෂ්ය සංඛ්යාව පාලනය කිරීම රජයේ අරමුණ වන අතර, ඒ අනුව ඉදිරියේදී පන්ති කාමරයක උපරිම ශිෂ්ය සංඛ්යාව 35කට වඩා පහත දැමීමට අවශ්ය පියවර ගන්නා බව ඔහු වැඩිදුරටත් අවධාරණය කළේය.
