ත්රිකුණාමලය, උප්පුවේලි පොලිස් වසමේ අඹුවලිපුරම් ප්රදේශයේදී ඊයේ (07) සවස සිදු වූ රිය අනතුරකින් 78 හැවිරිදි කාන්තාවක ජීවිතක්ෂයට පත්ව තිබේ. අනුරාධපුර මාර්ගයේ අඹුවලිපුරම් ප්රදේශයේදී අනුරාධපුර හන්දිය දෙසට ධාවනය වූ යතුරුපැදියක්, මාර්ගය අයිනේ ගමන් කරමින් සිටි මෙම කාන්තාවගේ ගැටීමෙන් අනතුර සිදුව ඇත. අනතුරින් බරපතළ තුවාල ලැබූ ඇය ත්රිකුණාමලය රෝහලට ඇතුළත් කිරීමෙන් පසු මියගොස් ඇති අතර, මියගිය තැනැත්තිය අඹුවලිපුරම් ප්රදේශයේම පදිංචිකාරියකි. අනතුරට සම්බන්ධ යතුරුපැදිකරු අත්අඩංගුවට ගෙන ඇති අතර උප්පුවේලි පොලීසිය මේ පිළිබඳ වැඩිදුර විමර්ශන මෙහෙයවනු ලබයි.
