පොලිස් විශේෂ කාර්ය බලකායට (STF) ලැබුණු විශේෂ තොරතුරකට අනුව සිදු කළ වැටලීමකදී, මත්ද්රව්ය සන්තකයේ තබාගෙන ලැගුම්හලක රැඳී සිටි පෙම් යුවළක් අත්අඩංගුවට ගෙන තිබේ. අත්අඩංගුවට ගන්නා අවස්ථාවේදී ඔවුන් සතුව තිබී “අයිස්” (ICE) මත්ද්රව්ය පොලිසිය භාරයට ගෙන ඇති අතර, එම මත්ද්රව්ය තමන්ගේ පෞද්ගලික පරිභෝජනය සඳහා ළඟ තබා ගත් බව සැකකරුවන් ප්රශ්න කිරීම් හමුවේ පවසා ඇත.
පෙම්වතාගෙන් කළ වැඩිදුර ප්රශ්න කිරීම් මත ඔවුන්ට මෙම මත්ද්රව්ය සැපයූ පුද්ගලයා සොයා පොලිසිය මෙහෙයුමක් දියත් කළද, ඔහු ඒ වන විටත් ප්රදේශයෙන් පලා ගොස් තිබුණි. අත්අඩංගුවට ගත් පෙම්වතා අද (11) දින අලුත්කඩේ මහේස්ත්රාත් අධිකරණයට ඉදිරිපත් කිරීමට නියමිත අතර පලාගිය සැකකරු අත්අඩංගුවට ගැනීම සඳහා පොලිසිය වැඩිදුර විමර්ශන පවත්වයි.
