අවිස්සාවේල්ල බස් නැවතුම්පොළ අසලදී ඊයේ (14) තියුණු ආයුධයකින් පහරදී සිදුකළ ඝාතනයක් සම්බන්ධයෙන් අවිස්සාවේල්ල පොලිසිය විමර්ශන ආරම්භ කර තිබේ. මියගොස් ඇත්තේ අවිස්සාවේල්ල ප්රදේශයේ පදිංචි 62 හැවිරිදි පුද්ගලයෙකු වන අතර, ඔහු සහ තවත් පුද්ගලයෙකු අතර ඇති වූ ආරවුලක් දුරදිග යාමෙන් මෙම ප්රහාරය එල්ල වී ඇති බව මූලික පරීක්ෂණවලදී අනාවරණය වී ඇත. සිද්ධිය සම්බන්ධයෙන් කොස්ගම ප්රදේශයේ පදිංචි 52 හැවිරිදි සැකකරුවෙකු පොලිසිය විසින් අත්අඩංගුවට ගෙන ඇති අතර අවිස්සාවේල්ල පොලිසිය වැඩිදුර විමර්ශන සිදුකරයි.
