කොළඹ වරාය නගරයේ (Port City Colombo) මරීනා කලාපයේ, ඉන්දියානු සාගරයේ දර්ශනීය දසුනක් ලබා ගත හැකි සහ යොට් නැවත්වීමට පහසුකම් සලසන ප්රදේශයේ පිහිටි අවසන් ඉඩම් කොටස Prime Group සහ Melwa සමාගම් විසින් අත්පත් කරගෙන තිබේ.
මෙම සුවිශේෂී භූමි භාගය තෝරාගැනීමට එම සමාගම් දෙක පියවර ගෙන ඇත්තේ, අනාගතයේදී එම ඉඩමේ වටිනාකම ඉහළ යාමේ ප්රවණතාව, විදේශ ආයෝජකයින් ආකර්ෂණය කරගැනීමේ හැකියාව සහ ලොව පුරා මරීනා ව්යාපෘති සඳහා පවතින ඉහළ ඉල්ලුම යන කරුණු පදනම් කරගනිමිනි. මේ වන විට මෙම භූමියේ Prime Lands (Pvt) Ltd හී අනුබද්ධ ආයතනයක් වන Prime Melwa Port City (Pvt) Ltd මඟින් අති සුඛෝපභෝගී මහල් නිවාස ව්යාපෘතියක් ආරම්භ කර ඇත.
මෙම ව්යාපෘතිය හරහා ශ්රී ලංකාව දකුණු ආසියාවේ ව්යාපාරික හා ජීවන රටාවේ කේන්ද්රස්ථානයක් ලෙස ගොඩනැගීමට අපේක්ෂා කරන අතර, මේ වන විටත් දේශීය හා විදේශීය ආයෝජකයින්ගෙන් විශාල ඉල්ලුමක් ලැබී තිබේ.
