මෙරට මෑත ඉතිහාසයේ සිදුවූ විශාලතම රාජ්ය ධන විනාශය ලෙස සැලකෙන ගල් අඟුරු ප්රසම්පාදන වංචාවට සම්බන්ධ, එවකට කටයුතු කළ මුදල් අමාත්යවරයා සහ බලශක්ති අමාත්යවරයා ඇතුළු වගකිවයුතු පිරිසට නියත වශයෙන්ම නීතිමය දඬුවම් විඳීමට සිදුවන බව ‘සර්වජන බලය’ ව්යාපාරය අවධාරණය කරයි. එම පක්ෂයේ මෙහෙයුම් ප්රධානී, නීතිඥ මධුර විතානගේ මහතා ප්රකාශ කර සිටියේ, සමස්ත රාජ්ය යාන්ත්රණයම කම්පනයට පත් කර ඇති මෙම දැවැන්ත දූෂණ ක්රියාවලිය සම්බන්ධයෙන් පූර්ණ බලැති විශේෂ ජනාධිපති විමර්ශන කොමිෂන් සභාව වෙත සාක්ෂි හා විධිමත් පැමිණිලි ඉදිරිපත්ව ඇති බැවින්, ජාතික ධනය මංකොල්ලකෑමට සෘජුවම දායක වූ ඉහළම දේශපාලන අධිකාරියට තවදුරටත් නීතියෙන් බේරී සිටීමට ඉඩක් නොමැති බවයි.
රාජ්ය මූල්ය පරිපාලනයේ සහ බලශක්ති සුරක්ෂිතතාවයේ ඉහළම වගකීම් දැරූ පාර්ශවයන් සිදුකර ඇති මෙම මූල්ය සාපරාධී ක්රියාව, රටේ පොදු ජනතාවගේ ජීවන පැවැත්ම අනතුරේ හෙළූ බරපතළ වරදක් බව නීතිමය වශයෙන් වර්ගීකරණය කළ හැකිය. විනිවිදභාවයකින් තොර අත්තනෝමතික තීරණ මගින් මහජන බදු මුදල් බිලියන ගණනින් අවභාවිත කරමින් සිදුකර ඇති මෙම ක්රියාවලිය හුදෙක් පරිපාලනමය වැරදීමක් නොව, ජාතික ආර්ථිකය සිතාමතාම කඩාකප්පල් කිරීමේ සාහසික වංචාවක් බව නීතිමය විශ්ලේෂණ මගින් තහවුරු වෙමින් පවතී. දේශපාලන බලය හෝ වරප්රසාද හමුවේ රාජ්ය විමර්ශන යටපත් කළ යුගය නිමාවී ඇති බව පෙන්වා දෙන නීතිඥ මධුර විතානගේ මහතා, මෙම මහා පරිමාණ දූෂණයට එරෙහි නීතිමය සටන සාධාරණ අවසානයක් දක්වා මෙහෙයවන බව ප්රකාශ කරයි. ඉදිරියේදී ක්රියාත්මක වන උත්තරීතර අධිකරණමය සහ කොමිෂන් සභා ක්රියාවලීන් මගින් වැරදිකරුවන්ට උපරිම දඬුවම් පැමිණවීම මෙන්ම අහිමි වූ ජාතික ධනය නැවත රටට අත්පත් කර ගැනීමද අනිවාර්යයෙන්ම සිදුවිය යුතු බවත්, මෙම නීතිමය පියවර අනාගතයේදී රාජ්ය දේපළ ආරක්ෂා කිරීම සම්බන්ධයෙන් දෙනු ලබන දැඩි පූර්වාදර්ශයක් වනු ඇති බවත් ඔහු වැඩිදුරටත් අවධාරණය කළේය.
