මෙරට පවතින ඩොලර් සහ ආර්ථික අර්බුදය හමුවේ ශ්රී ලංකා මහ බැංකු පොලී අනුපාතය (Policy Interest Rates) එළැඹෙන සතිය වනවිට අවම වශයෙන් පදනම් අංක (Basis Points) 50කින් හෝ 100කින්, එනම් 0.5%කින් හෝ 1%ක වැනි ප්රතිශතයකින් ඉහළ දැමීමේ දැඩි හැකියාවක් පවතින බව පාර්ලිමේන්තු මන්ත්රී හර්ෂ ද සිල්වා මහතා අද (21) පාර්ලිමේන්තුවේදී අනාවරණය කළේය.
පොලී අනුපාත මෙලෙස ඉහළ යාමට ඉඩ හැරියහොත් එහි සෘජු ප්රතිඵලයක් ලෙස රජයේ ණය පියවීම් පිරිවැය ඉහළ යන බවත්, එය පියවා ගැනීම සඳහා ජනතාවගෙන් අයකරනු ලබන බදු ප්රමාණය තවදුරටත් ඉහළ දැමීමට රජයට සිදුවන බවත් මන්ත්රීවරයා මෙහිදී පෙන්වා දුන්නේය. දේශපාලන වේදිකාවල කුමන ප්රකාශ සිදුකළද වත්මන් මූල්ය වෙළෙඳපොළ රජය කෙරෙහි විශ්වාසය තබා නොමැති බවත්, මේ හේතුවෙන් රජයට ගෙවීමට සිදුවන පොලී පිරිවැය ඉහළ යමින් පවතින බවත් ඔහු සඳහන් කළේය.
මුදල් අමාත්යාංශය, මහ බැංකුව සහ මහා භාණ්ඩාගාරය සතු වෙළෙඳපොළ ප්රතිපත්ති (Market Policies) නිසි ලෙස කළමනාකරණය කරමින් පවතින තත්ත්වයට වහාම මැදිහත් විය යුතු බවට වගකිවයුතු පාර්ශවයන්ගෙන් ඉල්ලා සිටි මන්ත්රීවරයා, එසේ නොමැති වුවහොත් මෙම ආර්ථික විෂම චක්රය හමුවේ මුළු රටේම මූල්ය පද්ධතිය තවදුරටත් අකර්මණ්ය විය හැකි බවට දැඩිව අනතුරු ඇඟවීය.
