මැදපෙරදිග කලාපයේ පවතින ඉරාන යුද ගැටුම්කාරී වාතාවරණය හේතුවෙන් ලෝක වෙළෙඳපොළේ බොරතෙල් මිල දරුණු ලෙස ඉහළ යාමේ ඍජු බලපෑම මත ඉන්දියාවේ දේශීය පෙට්රල් සහ ඩීසල් මිල ගණන් අද සිට නැවතත් ඉහළ දමා ඇති බව රොයිටර් පුවත් සේවය වාර්තා කරයි. ජාත්යන්තර බලශක්ති වෙළෙඳපොළේ බොරතෙල් බැරලයක මිල ඩොලර් 69 සිට ඩොලර් 114 දක්වා විශාල අගයකින් පැනීම හේතුවෙන් සිදුවන පාඩුව පියවා ගැනීමට එරට රජයේ තෙල් සමාගම් පියවර ගෙන ඇති අතර, මෙය මැයි මාසය තුළ පමණක් ඉන්දියාවේ සිදුවූ තෙවන ඉන්ධන මිල සංශෝධනය ලෙස සටහන් වේ.
මෙම නව මිල ඉහළ දැමීමට අනුව නවදිල්ලි අගනුවර පෙට්රල් ලීටරයක මිල ඉන්දීය රුපියල් 0.87 කින් ඉහළ දමා ඇති අතර එහි නව මිල රුපියල් 99.51 ක් දක්වා වැඩි වී තිබේ. එමෙන්ම ඩීසල් ලීටරයක මිල ද ලීටරයකට ඉන්දීය රුපියල් 0.91 කින් ඉහළ ගොස් ඇති අතර එහි නවතම මිල සටහන් වන්නේ රුපියල් 92.49 ක් ලෙසිනි. ලෝක වෙළෙඳපොළේ බොරතෙල් මිල මෙලෙස දිගින් දිගටම ඉහළ යාම සහ හෝමුස් සමුද්ර සන්ධියේ පවතින ආරක්ෂක අවදානම හේතුවෙන් ඉදිරි දිනවලදී ද ගෝලීය වශයෙන් ඉන්ධන මිල තවදුරටත් උච්චාවචනය වීමේ දැඩි ප්රවණතාවක් පවතින බව ආර්ථික විශ්ලේෂකයෝ පෙන්වා දෙති.
