දිවයින වටා වන මුහුදු ප්රදේශ සඳහා කාලගුණ විද්යා දෙපාර්තමේන්තුව විසින් නිකුත් කර ඇති නවතම නිවේදනයට අනුව ඉදිරි පැය 24 තුළ පවතින කාලගුණ තත්ත්වය පහත පරිදි වේ. පුත්තලම සිට කොළඹ සහ ගාල්ල හරහා හම්බන්තොට දක්වා වෙරළට ඔබ්බෙන් වන මුහුදු ප්රදේශවල තැනින් තැන වැසි හෝ ගිගුරුම් සහිත වැසි ඇතිවේ. දිවයින වටා වන සෙසු මුහුදු ප්රදේශවල සවස් කාලයේ හෝ රාත්රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි අපේක්ෂා කෙරේ. සුළං නිරිත දෙසින් හමා එන අතර වේගය පැ.කි.මී. 30ත් 40ත් අතර වේ. කන්කසන්තුරය සිට පුත්තලම, කොළඹ, ගාල්ල සහ හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්රදේශවල සුළගේ වේගය විටින් විට පැ.කි.මී. 50ත් 60ත් දක්වා ඉහළ යා හැක. සෙසු මුහුදු ප්රදේශවල සුළගේ වේගය විටින් විට පැ.කි.මී. 50 දක්වා ඉහළ යා හැකි බවද කාලගුණ විද්යා දෙපාර්තමේන්තුව පවසයි.
කන්කසන්තුරය සිට පුත්තලම, කොළඹ, ගාල්ල සහ හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්රදේශ විටින් විට රළු විය හැක. සෙසු මුහුදු ප්රදේශ විටින් විට තරමක් රළු ස්වභාවයක් ගනී. පුත්තලම සිට කොළඹ, ගාල්ල සහ හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්රදේශවල රළ උස මීටර් 2.0ත් 2.5ත් අතර අගයකට ඉහළ යාමේ හැකියාවක් පවතී. ගිගුරුම් සහිත වැසි ඇති වන අවස්ථාවන්හිදී අදාළ මුහුදු ප්රදේශවල තාවකාලිකව තද සුළං ඇති විය හැකි අතර, එවිට එම ප්රදේශ තාවකාලිකව ඉතා රළු විය හැකි බව ධීවර හා නාවික ප්රජාව සැලකිල්ලට ගත යුතුය.
