ජනාධිපති ප්රමුඛ ආණ්ඩුව විසින් රටේ ආර්ථික තත්ත්වය පිළිබඳව සිදුකරන ප්රකාශ, දැනට ආණ්ඩුවට පක්ෂපාතීව සිටින අතලොස්සක් පිරිස පවා විශ්වාස නොකරන මට්ටමට පත්ව ඇති බව ‘සර්වජන බලය’ පක්ෂයේ මාධ්ය ප්රකාශක වෛද්ය ප්රියංකර මහගම්මුල්ලගේ මහතා පවසනවා. ආණ්ඩුව අඛණ්ඩව අසත්ය කරුණු ප්රකාශ කිරීම සහ එම බොරු මහජනයා ඉදිරියේ හෙළිදරව් වීම හේතුවෙන් රට යළිත් 2022 වැනි අර්බුදකාරී තත්ත්වයකට පත්වනු ඇතැයි ජනතාව දැඩි බියකින් පසුවන බවයි ඔහු පෙන්වා දෙන්නේ.
මෑතකදී රුපියලේ අගය ශක්තිමත් වීම ආණ්ඩුවේ කිසියම් විශේෂ ආර්ථික කළමනාකරණ හැකියාවක් නිසා සිදු වූවක් නොවන බවත්, එය සමාජ මාධ්ය ඔස්සේ ඩොලර් උපයන තරුණ තරුණියන් විසින් මෙරටට එවන ලද ඩොලර් මිලියන 4-5ක් වැනි මුදලක් ලැබීම සහ මහ බැංකුව විසින් රටේ ඩොලර් සංචිත වෙළඳපොළට මුදාහැරීම නිසා සිදු වූවක් බවත් ඔහු වැඩිදුරටත් කියා සිටියා.
එසේම ජවිපෙ ප්රධාන ලේකම් ටිල්වින් සිල්වා මහතා ආණ්ඩුව බලයට පත්වීමට පෙර ප්රකාශ කළ ආකාරයට, වත්මන් ආණ්ඩුවට විදෙස් රටවල ඇති ඔවුන්ගේ පක්ෂ සමිති ඔස්සේ රටට ඩොලර් ගෙන්වා ගැනීමේ වැඩපිළිවෙළ ක්රියාවට නැංවිය යුතු බවද වෛද්ය මහගම්මුල්ලගේ මහතා අවධාරණය කළා.
