විදේශීය රටවලින් වාහන ආනයනය කිරීමේදී පනවනු ලැබූ විශේෂ අධිභාරය මුලින් මාස තුනක (03) කෙටි කාලසීමාවකට පමණක් සීමා කිරීමට රජය සැලසුම් කර තිබුණද, රට තුළ දැනට පවතින මූල්ය අස්ථාවරත්වය හමුවේ එම කාලය තවදුරටත් දීර්ඝ කිරීමට සිදුවනු ඇති බව වාර්තා වේ. අමෙරිකානු ඩොලරයට සාපේක්ෂව ශ්රී ලංකා රුපියලේ අගය මත ඇති වන දැඩි පීඩනය අවම කර ගැනීම සහ වත්මන් ආර්ථික අවදානම කළමනාකරණය කර ගැනීම මෙලෙස කාලය දීර්ඝ කිරීම කෙරෙහි අවධානය යොමු වීමට ප්රධානතම හේතුව වී තිබේ.
මීට සමගාමීව, දේශීය වෙළෙඳපොළ තුළ මෝටර් රථ මිලදී ගැනීම තවදුරටත් සීමා කිරීම සඳහා වාණිජ බැංකු සහ මූල්ය ආයතන මඟින් ලබා දෙන ලීසිං හා ණය පහසුකම් (Loan-to-Value/LTV) වාහනයේ වටිනාකමට සාපේක්ෂව අඩු කිරීමටද මුදල් බලධාරීන් දැනටමත් තීරණය කර ඇත. ඒ අනුව නව රෙගුලාසිවලට යටත්ව, ලොරි සහ වෑන් රථ වැනි වාණිජ කටයුතු සඳහා භාවිත කරන වාහන වෙනුවෙන් උපරිම ණය පහසුකම එහි සමස්ත වටිනාකමෙන් 70%ක් දක්වාද, කාර් සහ ජීප් රථ වැනි පෞද්ගලික පරිහරණය සඳහා වන වාහන වෙනුවෙන් එය වටිනාකමෙන් 50%ක් දක්වාද පහත හෙළා තිබේ.
රජයේ නිල සංඛ්යාලේඛන වාර්තාවලට අනුව, පසුගිය වසරේ (2025) පෙබරවාරි මාසයේදී වාහන ආනයන සීමාවන් ලිහිල් කරනු ලැබීමෙන් පසුව මේ දක්වා ගතවූ කාලය තුළ පමණක් මෙරටට වාහන ගෙන්වීම වෙනුවෙන් ඇමෙරිකානු ඩොලර් කෝටි 200ක (ඩොලර් බිලියන 2කට ආසන්න) දැවැන්ත විදේශ විනිමය ප්රමාණයක් රටින් පිටව ගොස් ඇති බවද වැඩිදුරටත් අනාවරණය වේ.
