යාපනය බන්ධනාගාරය තුළදී ගෙළ වැළලාගෙන මියගිය විද්යා දැරිය ඝාතන සිද්ධියේ දෙවන විත්තිකරු වන පූපාලසිංහම් ජයකුමාර්ගේ මළසිරුර ඔහුගේ බිරිඳ විසින් භාර ගැනීම ප්රතික්ෂේප කිරීම හේතුවෙන්, එම දේහය රජයේ වියදමින් මිහිදන් කිරීමට පියවර ගෙන තිබේ.
මෙම සිද්ධිය සම්බන්ධයෙන් අදහස් දක්වමින් අදාළ විත්තිකරුගේ බිරිඳ ප්රකාශ කර ඇත්තේ, මෙවැනි නරුම ක්රියාවකට සම්බන්ධ වූ පුද්ගලයෙකු සිය සැමියා වීම සම්බන්ධයෙන් තමන් දැඩි ලෙස කම්පා වන බවයි. ඝාතන සිද්ධියෙන් පසු ඇය විත්තිකරු බැලීම සඳහා බන්ධනාගාරයට යෑම ද ප්රතික්ෂේප කර තිබුණි.
මරණීය දණ්ඩනයට ලක්ව සිටි 46 හැවිරිදි මෙම විත්තිකරු, අභියාචනාධිකරණය මගින් මරණීය දණ්ඩනය ස්ථිර කිරීමෙන් පසු ඇති වූ සිත් තැවුල මත මෙලෙස සියදිවි හානි කරගෙන තිබුණි. විද්යා දැරිය සමූහ දූෂණයකට ලක් කර මරා දැමීමේ සිද්ධියට සම්බන්ධ තවත් විත්තිකරුවන් සිවුදෙනෙකු තවදුරටත් යාපනය බන්ධනාගාරයේ රඳවා සිටී.
