ශ්රී ලංකාවේ ආර්ථික ප්රතිසංස්කරණ වැඩසටහනට අදාළව ජාත්යන්තර මූල්ය අරමුදල (IMF) විසින් සිදු කළ විස්තීර්ණ අරමුදල් පහසුකම යටතේ වන ඒකාබද්ධ පස්වන සහ හයවන සමාලෝචන සාර්ථකව අවසන් කිරීමට එම අරමුදලේ විධායක මණ්ඩලය පියවර ගෙන තිබෙනවා. මෙම ඒකාබද්ධ සමාලෝචන ක්රියාවලිය සාර්ථකව සම්පූර්ණ කිරීමත් සමඟ ශ්රී ලංකාවට අමෙරිකානු ඩොලර් මිලියන 695ක පමණ මුදලක් විශේෂ ගැනුම් හිමිකම් යටතේ නිදහස් කිරීමට නියමිත බවයි වාර්තා වන්නේ. රටේ ආර්ථික ස්ථාවරත්වය සහ ඉදිරි සංවර්ධන ඉලක්ක සපුරා ගැනීම වෙනුවෙන් මෙම මුදල් වාරිකය අතිශය තීරණාත්මක සාධකයක් වනු ඇති බව ආර්ථික විශ්ලේෂකයන් පෙන්වා දෙනවා.
