ඉරානය සමඟ ඇති කරගත හැකි විභව ගිවිසුමක් සම්බන්ධයෙන් අමෙරිකානු ජනාධිපති ඩොනල්ඩ් ට්රම්ප් විසින් සිදුකළ ප්රකාශයන් ඉරානයේ රාජ්ය පුවත් සේවයක් වන ‘ෆාර්ස්’ (Fars News Agency) විසින් ප්රතික්ෂේප කර තිබේ. ජනාධිපතිවරයාගේ ප්රකාශය “සත්ය සහ අසත්යයේ මිශ්රණයක්” බව පවසන එම පුවත් සේවය, ට්රම්ප් විසින් සඳහන් කළ ඇතැම් කරුණු අතිශයෝක්තියෙන් යුත් හෝ සාවද්ය ඒවා බව පෙන්වා දෙයි.
විශේෂයෙන්ම, යෝජිත එකඟතාව යටතේ ඉරානයේ බලගැන්වූ න්යෂ්ටික ද්රව්ය විනාශ කරන බවට සහ හෝමූස් සමුද්ර සන්ධිය (Strait of Hormuz) කිසිදු ගාස්තුවකින් තොරව නැව් ගමනාගමනය සඳහා විවෘත කරන බවට ට්රම්ප් කළ ප්රකාශයන් ඉරානය ප්රතික්ෂේප කරයි. එවැනි කිසිදු කරුණක් වත්මන් ගිවිසුම් කෙටුම්පතට (Draft Agreement) ඇතුළත් වී නොමැති බව ‘ෆාර්ස්’ පුවත් සේවය අවධාරණය කරයි.
