අද (31) පැවැත්වෙන IPL අවසන් මහා තරගයේ පළමුවෙන් පන්දුවට පහරදුන් ගුජරාට් ටයිටන්ස් කණ්ඩායම නියමිත පන්දුවාර කිහිපය තුළ කඩුළු 08ක් දැවී ලකුණු 155ක් රැස් කිරීමට සමත් විය. ඒ අනුව, මෙවර ශූරතාව දිනාගැනීම සඳහා රෝයල් චැලෙන්ජර්ස් බැංගලූරු කණ්ඩායමට හිමිව ඇති ඉලක්කය ලකුණු 156කි.
ගුජරාට් ටයිටන්ස් කණ්ඩායම වෙනුවෙන් වොෂින්ටන් සුන්දර් නොදැවී ලකුණු 50ක් රැස් කළ අතර, නිශාන්ත් සින්දු ලකුණු 20ක් සහ අර්ෂාඩ් ඛාන් ලකුණු 15ක් ලබා ගනිමින් ලකුණු පුවරුව ඉහළ දැමීමට දායක වූහ.
පන්දු යැවීමේදී රෝයල් චැලෙන්ජර්ස් බැංගලූරු කණ්ඩායම වෙනුවෙන් දක්ෂ පන්දු යැවීමක නිරත වූ රාසික් සලාම් කඩුළු 03ක් දවාගත් අතර, ජොෂ් හේසල්වුඩ් සහ බුවනේෂ්වර් කුමාර් කඩුළු 02 බැගින් ද, කෘනාල් පාණ්ඩ්යා එක් කඩුල්ලක් ද බිඳහෙලීමට සමත් වූහ.
