ශබ්දයේ ප්රවේගය මෙන් 5 ගුණයකට වඩා වැඩි වේගයකින් ගමන් කරමින් ගුවන්ගතව සිටියදී තම ගමන් මඟ වෙනස් කළ හැකි ‘හයිපර්සොනික්’ අවි තරඟයෙන් චීනය සහ රුසියාවට වඩා පිටුපසින් සිටි ඇමරිකාව, දැන් ප්රධාන වැඩසටහන් කිහිපයක් ඔස්සේ ඊට සාර්ථකව අවතීර්ණ වෙමින් සිටියි.
ඒ අතරින් ඇමරිකානු යුධ හමුදාව ඩොලර් බිලියන 12ක වියදමකින් නිපදවූ, සැතපුම් 1,700ක් ඈතින් ඇති ඉලක්ක වෙත ප්රහාර එල්ල කළ හැකි ‘ඩාර්ක් ඊගල්’ (Dark Eagle) මිසයිල පද්ධතියේ පළමු බලඇණිය ඉදිරි සති කිහිපය තුළ සක්රීය වීමට නියමිතය. නාවික හමුදාව ද මෙම තාක්ෂණයම යොදා ගනිමින් යුධ නැව් සහ සබ්මැරීනවල සිට දියත් කළ හැකි ‘කොන්වෙන්ෂනල් ප්රොම්ප්ට් ස්ට්රයික්’ වැඩසටහන සාර්ථකව අත්හදා බලමින් සිටියි.
මීට අමතරව, ප්රහාරක ජෙට් යානාවල රැගෙන යා හැකි ‘ස්ක්රැම්ජෙට්’ එන්ජින් සහිත HACM මිසයිල වැඩසටහන කෙරෙහි ද ගුවන් හමුදාව දැඩි අවධානයක් යොමු කර ඇත. කලින් සැලසුම් කළ ARRW වැඩසටහන අසාර්ථක පරීක්ෂණ නිසා අත්හැර දැමීමට සිදු වුව ද, සමස්තයක් ලෙස නව ව්යාපෘති සක්රීය වීමත් සමඟ ඇමරිකාව අවසානයේදී චීනයට සහ රුසියාවට දැඩි ආරක්ෂක අභියෝගයක් එල්ල කිරීමට සූදානම් බව විදේශීය ආරක්ෂක අංශ පෙන්වා දෙයි.
