පොල්පිටිය පොලිස් වසමට අයත් මොරහේනගම ප්රදේශයේ නිවසක් මතට පස් කන්දක් කඩා වැටීමෙන් අතුරුදන්ව සිටි සිව් දෙනාගේ මළ සිරුරු (03) දින රාත්රිය වන විට ගොඩගෙන ඇති බව පොල්පිටිය පොලිසියේ ස්ථානාධිපතිවරයා පවසා ඇත. පශ්චාත් මරණ පරීක්ෂණ සඳහා එම සිරුරු නාවලපිටිය දිස්ත්රික් මහ රෝහලේ අධිකරණ වෛද්යවරයා වෙත යොමු කර තිබේ.ඊයේ (03) පස්වරු 1:30ට පමණ පොල්පිටිය ප්රදේශයට ඇද හැලුණු අධික වර්ෂාවත් සමඟ මෙම අනතුර සිදුව ඇති අතර, එම අවස්ථාවේ නිවසේ කාන්තාවන් තිදෙනෙකු සහ එක් පිරිමි පුද්ගලයෙකු සිට ඇත. අතුරුදන්ව සිටි කාන්තාවකගේ මළ සිරුරක් 19 වන ජාතික ආරක්ෂක බල සේනා මූලස්ථානයේ භට පිරිස් විසින් මුලින් සොයාගත් අතර, පොල්පිටිය පොලිසියේ නිලධාරීන් සහ ප්රදේශවාසීන් එක්ව (03) දින රාත්රියේ දියත් කළ මෙහෙයුමකින් සෙසු සිරුරු 3 ද සොයාගෙන තිබේ. මියගිය සිව් දෙනාම මාතලේ පදිංචිකරුවන් වන අතර, ඔවුන් ඥාති නිවසකට පැමිණ සිටියදී මෙම අනතුරට මුහුණ දී ඇති බව පොලිසිය වැඩිදුරටත් කියා සිටියේය.
