දශකයකට වැඩි කාලයක් පුරා මෙරට විලාසිතා ක්ෂේත්රයේ තිරසාර සහ සුවිශේෂී අනන්යතාවක් ගොඩනගා ගනිමින් ක්රියාත්මක වන ‘ට්රොපික් ඔෆ් ලිනන්’ (Tropic of Linen) සන්නාමය, සිය ව්යාපාරික ක්ෂේත්රය පුළුල් කරමින් සිය දෙවන වෙළඳසැල ‘ද ෂොප්ස් ඇට් සිටි ඔෆ් ඩ්රීම්ස්’ (The Shops at City of Dreams) පරිශ්රය තුළ මෙලෙස ජනතා අයිතියට පත් කර තිබේ. ස්වභාවික ලිනන් සැකැස්මෙහි පවතින සුවිශේෂී වයනය, චලනය සහ එහි අද්විතීය ලක්ෂණ මූලික කරගනිමින් නිර්මාණය කර ඇති මෙම නවතම වෙළඳසැල, දේශීය විලාසිතා කර්මාන්තය තුළ නව සන්ධිස්ථානයක් සටහන් කරමින් ව්යාපාරික හා සෞන්දර්යාත්මක ප්රමිතීන් ඉහළ නැංවීමට සමත්ව ඇත.
මෙම අභිනව අලෙවිසැලේ අභ්යන්තර නිර්මාණය සුවිශේෂී කලාත්මක සංකල්පයකට අනුව සකස් කර ඇති අතර, සම-නිර්මාතෘ මින්හා අක්රම් සහ ශුක්රන් සාලිහ් යන මහත්ම මහත්මීන්ගේ නායකත්වයෙන් යුතුව ලලිත කලාව හා නිර්මාණකරණය මුසු කරමින් එය ඉදිකර තිබේ. සුළඟින් හැඩගැන්වුණු වැලිගල් මූර්ති ආකෘති සහ වෙළඳසැලේ හදවත බඳු මධ්යයේ රෝපණය කර ඇති මහා ඔලිව් ගසක් වැනි අපූර්ව අංගයන්ගෙන් සමන්විත මෙම පරිශ්රය, පාරිභෝගිකයින්ට හුදු සාම්ප්රදායික සාප්පු සවාරියකට එහා ගිය ගැඹුරු සංවේදී සහ අමතක නොවන අත්දැකීමක් ලබා දීමට සමත් වී ඇත.
දේශීය විලාසිතා වෙළඳපොළ තුළ මෙවැනි උසස් තත්ත්වයේ නිර්මාණාත්මක අවකාශ බිහිවීම හරහා මෙරට සිල්ලර වෙළඳ හා සංචාරක ආශ්රිත වාණිජ අංශයන් වෙත නව ප්රාණයක් එකතු වන අතරම, ගෝලීය ප්රමිතීන්ට අනුකූලව දේශීය සන්නාමයන්ට ජාත්යන්තර මට්ටමේ ප්රවේශයන් ලබා ගැනීමට මංපෙත් විවර වේ. ඉදිරියේදී මෙවැනි නව්ය නිර්මාණ සහ හරිත සංකල්ප මත පදනම් වූ ව්යාපාරික ප්රවේශයන් මෙරට ආර්ථිකයට සහ ව්යවසායකත්ව සංවර්ධනයට ලබා දෙන දායකත්වය අතිමහත් වනු ඇත.
