ශිවරාසා අනෝජන් මහතාගේ නිදහස තහවුරු කරගැනීම සඳහා අඛණ්ඩව සහය ලබා දෙන බවට සමස්ත ලංකා ජමියතුල් උලමා (ACJU) සංවිධානයේ මහ ලේකම් අෂ්-ෂේක් අර්කම් නූරාමින් මහතා සහතික වූ බව ඉලංගෙයි තමිල් අරසු පක්ෂයේ (ITAK) පාර්ලිමේන්තු මන්ත්රී ශානකියන් රාසමානික්කම් මහතා පවසයි.
සෞදි අරාබියේ 96 වැනි ජාතික දිනය සැමරීම වෙනුවෙන් ශ්රී ලංකාවේ සෞදි අරාබි තානාපති කාර්යාලය විසින් සංවිධානය කරන ලද විශේෂ පිළිගැනීමේ උත්සවයකදී තමන් ACJU මහ ලේකම්වරයා මුණගැසී මෙම සාකච්ඡාව සිදු කළ බව මන්ත්රීවරයා තම නිල ෆේස්බුක් පිටුවේ සටහනක් තබමින් සඳහන් කර තිබේ. ශ්රී ලංකාවේ සෞදි අරාබි තානාපති කාර්යාලයේ භාරකාර යසර් අබ්දුල්රහමන් අල්-හස්මි මහතා විසින් කරන ලද ආරාධනයකට අනුව මන්ත්රීවරයා මෙම උත්සවයට සහභාගී වී ඇත.
අනෝජන් ශිවරාසා මහතාගේ නිදහස වෙනුවෙන් හැකි සෑම මාර්ගයකින්ම සහයෝගය ලබාගැනීම සමස්තයකගේම වගකීමක් වන බවත්, මෙම කාරණයේදී ලැබෙන සෑම සහයෝගයක්ම ඉතා වැදගත් වන බවත් රාසමානික්කම් මහතා අවධාරණය කර තිබේ.
