සංචාරක ශ්‍රී ලංකා කණ්ඩායම සහ පාකිස්තානය අතර අද (13) පැවැත්වෙන තෙවැනි හා අවසන් විස්සයි20 තරගයේ කාසියේ වාසිය දිනාගැනීමට ශ්‍රී ලංකාව සමත් විය.
ඒ අනුව පළමුව පන්දු රැකීමට ශ්‍රී ලංකා කණ්ඩායම තීරණය කර තිබේ.
රාවල්පිණ්ඩි ක්‍රීඩාංගණයේදී පැවැත්වෙන තරගය ශ්‍රී ලංකා වේලාවෙන් පස්වරු 6.30ට ආරම්භ වීමට නියමිත බව වාර්තාවේ සඳහන් වේ.
තරගාවලියේ පළමු තරග දෙකම ජයගත් පාකිස්තානය මේ වනවිට තරගාවලිය 2–0ක් ලෙස ඉදිරියෙන් සිටියි. ඒ අනුව අද තරගය ජයගැනීම ශ්‍රී ලංකාවට තරගාවලියේ පූර්ණ පරාජයක් වළක්වා ගැනීමට වැදගත් වේ.
