ජාත්‍යන්තර මට්ටමේ ප්‍රභූන් සහ රාජ්‍ය තාන්ත්‍රිකයින් ශ්‍රී ලංකාවට පැමිණෙන අවස්ථාවලදී ඔවුන්ට ලබා දිය යුතු අදාළ ආරක්ෂාව සහ පහසුකම් ලබා දීමට වර්තමාන රජය අපොහොසත් වී ඇති බවට දැඩි විවේචනයක් එල්ල වී තිබේ.
මේ සම්බන්ධයෙන් අදහස් දක්වමින් තිලිත් ජයවීර මහතා පෙන්වා දෙන්නේ, මෑතකදී දිවයිනට පැමිණි තායිලන්ත නියෝජ්‍ය අගමැතිනියට හෝ නිසි මට්ටමේ ආරක්ෂාවක් හෝ රාජ්‍ය අනුග්‍රහයක් ලබා දීමට රජය කටයුතු කර නොමැති බවයි. රටකට පැමිණෙන ඉහළ පෙළේ විදේශීය රාජ්‍ය තාන්ත්‍රිකයෙකුට මෙպමණවත් සැලකීමක් නොකිරීම ජාත්‍යන්තරය ඉදිරියේ රටේ කීර්ති නාමයට දැඩි හානියක් වන බව ඔහු පෙන්වා දෙයි.
රටේ ආරක්ෂාව සහ විදේශ සබඳතා පිළිබඳව කතා කරන ආණ්ඩුවක්, මෙවැනි මූලික රාජ්‍ය තාන්ත්‍රික පිළිවෙත් සහ ආරක්ෂක විධිවිධාන අතපසු කිරීම බරපතල තත්ත්වයක් බවත්, මෙයින් පෙනී යන්නේ වත්මන් පාලනය යටතේ පරිපාලනමය දුර්වලතා ඉහළ ගොස් ඇති ආකාරය බවත් මෙම හෙළිදරව්ව මඟින් අවධාරණය කෙරේ.
