ප්‍රකට රැප් ගායිකා නිකී මිනාජ්, අමෙරිකානු ජනාධිපති ඩොනල්ඩ් ට්‍රම්ප් සමඟ මිචිගන් ප්‍රාන්තයේ පැවති රිපබ්ලිකන් මැතිවරණ ප්‍රචාරක රැලියකට එක්ව තිබේ.
ඔක්තෝබර් 25 වැනිදා පෝට් හුරොන්හි පැවති මෙම රැලියේදී මිනාජ් ට්‍රම්ප්ගේ නායකත්වය අගය කරමින්, ඔහු යළි බලයට පැමිණීමෙන් රටේ වාතාවරණය වෙනස් වී ඇති බවත්, අනාගතය පිළිබඳ බලාපොරොත්තු ඇති කර තිබෙන බවත් ප්‍රකාශ කළාය.
එහිදී ට්‍රම්ප්, මිනාජ්ගේ ශරීර පෙනුම පිළිබඳව අදහස් පළ කරමින් ඇයගේ පෙනුම කැපී පෙනෙන බව සඳහන් කළේය. එම ප්‍රකාශය විදෙස් මාධ්‍යවල අවධානයට ලක්ව තිබේ.
මිනාජ් මෙම රැලියට ට්‍රම්ප් සමඟ *Air Force One* නිල ගුවන් යානයෙන් පැමිණි අතර, ගුවන් ගමන අතරතුර ධවල මන්දිරයේ සන්නිවේදන අධ්‍යක්ෂ ස්ටීවන් චියුං සමඟ කළ වීඩියෝවක් ද සමාජ මාධ්‍ය වෙත එක් කර තිබිණි. එහිදී ඇය ට්‍රම්ප්ගේ ආර්ථික හා විදේශ ප්‍රතිපත්ති සම්බන්ධයෙන් අදහස් පළ කළාය.
මෙම රැලිය පැවැත්වුණේ නොවැම්බර් 3 වැනිදා පැවැත්වීමට නියමිත අමෙරිකානු මධ්‍යවාර මැතිවරණයට පෙරය. එහිදී ට්‍රම්ප් මිචිගන් ප්‍රාන්තයේ රිපබ්ලිකන් අපේක්ෂකයන්ට සහාය පළ කළේය.
