”චාමර සම්පත් මහත්මයා විතරක් නෙවෙයි තව සෑහෙන පිරිසක් මේ චෙක් ලිස්ට් එකේ ඉන්නවා. මොකද CIABOC කියන්නේ මුදල් වත්කම් අත්පත්කර ගැනීම, සිද්ධ වෙන වංචා දුෂණ පිළිබඳ කොමිෂන් සභාව. ගිය අවුරුද්දේ ගිය රජය ඇතුලේ වෙබ් සයිට් එකට ගිහින් බලන්න පුළුවන් චෝදනා 135ක් තියෙනවා. මේගොල්ලෝ එක චෝදනාවක් වත් ඉදිරියට ගෙනිච්චේ නැහැ මොකද ඒවාට සම්බන්ධ රාජ්‍ය නිලධාරීන් දේශපාලනයට සම්බන්ධ වෙලා තිබුණා. සෘජුව ඊට සම්බන්ධ පුද්ගලයින් දේශපාලනයට සම්බන්ධ වෙලා තිබුණා. දැන් එකින් එක මේවා සිද්ධ වෙනවා. රජය විදිහට අපි කිසිම මැදිහත්වීමක් කරන්නේ නැහැ. ඒ ආයතන ස්වාධීන කරලා,ශක්තිමත් කරලා,ඒගොල්ලන්ට අවශ්‍ය සේවක පිරිස ලබාදීලා තියෙන්නේ ඔවුන්ගේ උපරිම කාර්යක්ෂමතාවයෙන් කටයුතු කරන්න කියල. ඉතින් ඒ උපරිම කාර්යකෂමතාවයෙන් ඔබට දැක ගැන පුළුවන් වෙයි යම්කිසි කාලයක් යනකොට මාසෙකට දෙන්නෙක්ගේ තුන්දෙනෙක්ගෙ නම් ඔය විදිහට අධීක්ෂණ කටයුතුවලට,අධිකරණ කටයුතුවලට යොමුවෙනවා.”
චාමර සම්පත් පමණක් නොව සෑහෙන පිරිසක් චෙක් ලිස්ට් එකේ සිටින බව ත් ඉදිරියේදී මාසයකට දෙතුන් දෙනෙකුගේ නම් අධිකරණ කටයුතුවලට, අධීක්ෂණ කටයුතුවලට කැඳවනු ඇති බව නියෝජ්‍ය අමාත්‍ය චතුරංග අබේසිංහ මහතා පවසා සිටියා
ඒ, අද (28) මහනුවරදී පැවති මාධ්‍ය වෙත අදහස් දක්වමිනි.
කෙසේ වෙතත් අමාත්‍යවරයා පවසා සිටින්නේ සිදුවන අත්අඩංගුවට ගැනිම් හමුවේ මෙය දේශපාලන පලිගැනිම් බවට විපක්ෂය විසින් පවසන බවයි.
එම කාරණය සම්බන්ධයෙන්ද නියෝජ්‍ය අමාත්‍යවරයා අදහස් දක්වන දැක්වුයේ මෙලෙසය
”අපිට ජන්දය දුන්නේ මේ රට දුෂණය කරපු මේ රට වංචාවට ලකක්රපු මුදල් අවභාවිතා කරපු අයට එරෙහිව නීතිය ක්‍රියාත්මක කරන්න. 2015 වගේ නීතිය වල් බූරු විදිහට ක්‍රියාත්මක කරන්නේ නැහැ. හොඳට හොයල බලලා හරියටම නඩු කටයුත්ත ස්ථාවර නම් එය ඔප්පු කළ හැකි නම් පමණක් ඒ නඩු කටයුතු ඉදිරියට යනවා. අපේ කිසිම බලපෑමක් නැහැ. දැවැන්ත සහයක් පොලිස් දෙපර්තමනේතුවට CID එකට නීතිපති දෙපාර්තමේන්තුවට දීලා තියෙනවා දේශපාලන මැදිහත්වීමකින් තොරව තමන්ගේ ස්වධින බව ආරක්ෂා කරගෙන තමන්ට ශක්තිමත් කොන්ද කෙලින් තියාගත්ත රාජ්‍ය සේවකයෙක් විදිහට වැඩ කරන්න ඔවුන්ට අයිතිය දීලා තියෙනවා. අපි හිතනවා ලංකාවේ පළමු වතාවට රාජ්‍ය සේවකයෝ ඒ ශක්තිය අරගෙන මේ රටේ වෙච්ච අපරාධවලට අවශ්‍ය පුද්ගලයින් දඬුවම් දෙයි කියල. ජනතාව කිසිසේත්ම හිතන්නේ නැ මේක දේශපාලන පළිගැනීමක් කියල.”
