ආණ්ඩුව මේ දිනවල ඉතා රහසිගත ලෙස විශාල මෙහෙයුම් දෙකක් ආරම්භ කර ඇති බව අභ්‍යන්තර ආරංචි මාර්ග පවසනවා.
පළමුව, මහබැංකු බැඳුම්කර ගනුදෙනු වංචාවේ ප්‍රධාන සැකකරු ලෙස සැලකෙන, සිංගප්පූරු පුරවැසියෙකු වන හිටපු මහබැංකු අධිපති අර්ජුන මහේන්ද්‍රන් ගෙන්වා ගැනීමට ශ්‍රී ලංකා ආණ්ඩුව සහ සිංගප්පූරු රජය අතර විශේෂ සාකච්ඡා ආරම්භ වී තිබිමයි.
සිංගප්පූරු නීති කෙරෙහි පවතින බාධා හේතුවෙන් මෙය සාර්ථක වීම අපහසු වී ඇති අතර, එම බාධා මගහැරීම මේ සාකච්ඡාවන්ගේ ප්‍රධාන අරමුණ බව යි වාර්තා වන්නේ.
දෙවනුව, බැසිල් රාජපක්ෂ සහ අනෙකුත් රාජපක්ෂ පවුලේ සාමාජිකයන්ගේ නමින් ඇමරිකා එක්සත් ජනපදයේ පවතින වත්කම් පිළිබඳවද තවත් රහසිගත මෙහෙයුමක් ආණ්ඩුව මඟින් ආරම්භ කර තිබීමයි.
ඇමෙරිකානු රජයේ ආයතන කීපයක් සමඟ මේ සම්බන්ධයෙන් දැනටමත් සාකච්ඡා වට කිහිපයක් පැවැත්වා ඇති අතර, අදාල තොරතුරු ලබාදීම සඳහා ඇමෙරිකානු පාර්ශවයෙන් යහපත් ප්‍රතිචාර ලැබී ඇති බවත් සදහන්.
හේන්ද්‍රන්ව ශ්‍රී ලංකාවට ගෙන්වා ගැනීම සහ රාජපක්ෂ පවුලේ විදේශික වත්කම් පිළිබඳ සොයා බැලීම සාර්ථක වුවහොත්, ආණ්ඩුව වහාම පළාත් සභා මැතිවරණය පැවැත්වීමට සැලසුම් කර ඇතැයි ද ආරංචි මාර්ග පවසනවා.
මෙය වැදගත් වන කාරණය නම්, මෙම ක්‍රියාමාර්ග දෙකම ඉකුත් ජනාධිපතිවරණය සහ මහ මැතිවරණය අතරතුර මාලිමාව විසින් රටට දුන් ප්‍රධාන පොරොන්දු දෙකක් වන නිසා බවයි වාර්තා වුයේ.
