ශ්රී ලංකා මහ බැංකුව විසින් අද (19) දින ප්රකාශයට පත් කරන ලද නවතම විනිමය අනුපාතිකයන්ට අනුව, එක්සත් ජනපද ඩොලරයට සාපේක්ෂව ශ්රී ලංකා රුපියලේ අගය තවදුරටත් ශක්තිමත් වී තිබේ. ඒ අනුව අද දින ඩොලරයේ ගැනුම් මිල රුපියල් 305.63ක් ලෙසත්, විකුණුම් මිල රුපියල් 313.14ක් ලෙසත් පහළ ගොස් ඇත.
දිවයිනේ ප්රධාන වාණිජ බැංකු කිහිපයක අද දින විනිමය අනුපාතික පිරික්සීමේදී ඩොලරයේ ගැනුම් සහ විකුණුම් මිල ගණන් සටහන් වී තිබුණේ මෙලෙසිනි. ලංකා බැංකුවේ ගැනුම් මිල රු. 305.90ක් සහ විකුණුම් මිල රු. 312.90ක් වූ අතර, මහජන බැංකුවේ ගැනුම් මිල රු. 305.84ක් සහ විකුණුම් මිල රු. 312.58ක් ලෙස සටහන් විය. කොමර්ෂල් බැංකුව රු. 304.11ක ගැනුම් මිලක් සහ රු. 312.50ක විකුණුම් මිලක් වාර්තා කළ අතර, සම්පත් බැංකුවේ ගැනුම් මිල රු. 306.01ක් සහ විකුණුම් මිල රු. 312.06ක් ලෙස දැක්විණි. මීට අමතරව අමානා බැංකුව රු. 307.45ක ගැනුම් මිලක් සහ රු. 312.45ක විකුණුම් මිලක් ප්රකාශයට පත් කර තිබුණි.
මෑතකාලීන ආර්ථික ප්රතිසංස්කරණ සහ විදේශ විනිමය ගලා ඒම ඉහළ යාම රුපියල මෙලෙස ශක්තිමත් වීමට ප්රධාන හේතුවක් වී ඇති බව ආර්ථික විශ්ලේෂකයෝ පෙන්වා දෙති.
