කටාර් රාජ්යයේ දෝහා නුවර පැවැත්වීමට සැලසුම් කර තිබූ ජාත්යන්තර ක්රිකට් කවුන්සිලයේ (ICC) 2026 මහා සභා රැස්වීම දින නියමයක් නොමැතිව කල් දැමීමට තීරණය කර තිබේ. මැදපෙරදිග කලාපයේ මේ වන විට උත්සන්න වී ඇති යුදමය තත්ත්වය සහ ගුවන් ගමන් සීමා වීම හේතුවෙන් ක්රිකට් කවුන්සිලය මෙම තීරණය ගෙන ඇති බව විදෙස් මාධ්ය වාර්තා කරයි.
මුලින් සැලසුම් කර තිබුණේ එළඹෙන මාර්තු 25 වැනිදා සිට 27 වැනිදා දක්වා මෙම රැස්වීම පැවැත්වීමට වුවද, පවතින අනාරක්ෂිත වාතාවරණය හමුවේ එය අප්රේල් මාසය දක්වා කල් දමා වෙනත් රටක සත්කාරකත්වයෙන් පැවැත්වීමට වැඩි ඉඩක් ඇති බව ICC නිවේදනය කර ඇත. මේ හේතුවෙන් ඉදිරි ක්රිකට් තරගාවලි සහ විකාශන අයිතීන් පිළිබඳව ගැනීමට තිබූ තීරණ කිහිපයක් ද තවදුරටත් ප්රමාද වනු ඇත.
