පසුගිය සතියේ නිව්යෝර්ක් නගරාධිපති නිල නිවස (Gracie Mansion) අසල පැවති විරෝධතාවක් අතරතුර පුපුරණ ද්රව්ය රැගෙන ආ බවට සැකකෙරෙන සිද්ධියේ ISIS සබඳතාව හෙළා දැකීමට නගරාධිපති සොහ්රාන් මම්දානි (Zohran Mamdani) ප්රතික්ෂේප කර ඇති බවට විවේචකයන් චෝදනා කරයි.
පසුගිය සතියේ විරෝධතා අතරතුරදී එමිර් බාලට් සහ ඊබ්රාහිම් නික් නමැති පුද්ගලයන් දෙදෙනෙකු විසින් වැඩිදියුණු කළ පුපුරණ ද්රව්ය (IED) නගරාධිපති නිල නිවස අසලට රැගෙන ආ බවට සැක කෙරෙන අතර ඔවුන් දැනට අත්අඩංගුවේ පසුවේ. පොලිස් කොමසාරිස් ජෙසිකා ටිෂ් (Jessica Tisch) අද (09) සඳහන් කළේ මෙම සිදුවීම “ISIS ආභාෂය ලැබූ ත්රස්තවාදී ක්රියාවක්” ලෙස විමර්ශනය කරන බවයි.
කෙසේ වෙතත්, නගරාධිපතිවරයා මෙම “ISIS කෝණය” සම්බන්ධයෙන් ප්රසිද්ධියේ දැඩි ස්ථාවරයක් නොගැනීම පිළිබඳව දැඩි විවේචන එල්ල වී තිබේ. අත්අඩංගුවේ පසුවන සැකකරුවන්ට එරෙහිව මෙතෙක් නිල වශයෙන් චෝදනා ගොනු කර නොමැති වුවද, නගරයේ ආරක්ෂාව සම්බන්ධයෙන් පවතින අවදානම පිළිබඳව ජනතාව තුළ දැඩි කතාබහක් නිර්මාණය වී ඇත.
