පවතින ගෝලීය තත්ත්වය හමුවේ ලෝකයේ බොහෝ රටවල් ඉන්ධන මිල ඉහළ දැමීමට සහ සැපයුම සීමා කිරීමට පියවර ගෙන ඇති බව අමාත්ය සමන්ත විද්යාරත්න මහතා පවසයි. ඕස්ට්රේලියාවේ වෙසෙන සිය මිතුරෙකු සමඟ කළ සාකච්ඡාවකදී එරට ඉන්ධන මිල 60%කින් පමණ ඉහළ ගොස් ඇති බව තමාට දැනගන්නට ලැබුණු බවත්, ඇතැම් දියුණු රටවල් පවා ඉන්ධන පිරිමසා ගැනීමට රාජ්ය සේවකයන්ට නිවසේ සිට වැඩ කිරීමට (Work from Home) නියෝග කර ඇති බවත් ඔහු පෙන්වා දුන්නේය.
මැදපෙරදිග පවතින යුදමය වාතාවරණය හේතුවෙන් මතුව ඇති මෙම අර්බුදය 100%ක් මෙරට තුළ පාලනය කළ නොහැකි බවත්, එය රටින් බාහිරව සිදු වූවක් බවත් අමාත්යවරයා අවධාරණය කළේය. කෙසේ වෙතත්, රජය උපරිම අයුරින් තත්ත්වය කළමනාකරණය කිරීමට උත්සාහ කරන බවත්, බුද්ධිමත් ජනතාව මෙම ගෝලීය බලපෑම තේරුම් ගනු ඇතැයි තමා විශ්වාස කරන බවත් ඔහු වැඩිදුරටත් සඳහන් කළේය.
