වසර කිහිපයකට පෙර සිදුවූ මූල්ය රීති උල්ලංඝනය කිරීම් සම්බන්ධයෙන් චෙල්සි (Chelsea) පාපන්දු කණ්ඩායමට පවුම් මිලියන 10.75ක (ඩොලර් මිලියන 14.27ක) දඩයක් නියම කිරීමට ප්රිමියර් ලීග් බලධාරීන් අද (16) පියවර ගෙන තිබේ. මීට අමතරව වසරක අත්හිටවූ ක්රීඩක හුවමාරු තහනමක් (Suspended Transfer Ban) සහ මාස නවයක වහාම ක්රියාත්මක වන ඇකඩමි ක්රීඩක හුවමාරු තහනමක් ද පනවා ඇත.
2011 සහ 2018 අතර කාලසීමාව තුළ රෝමන් ඒබ්රමොවිච්ගේ පාලනය යටතේ ක්රීඩකයින්ට සහ ලියාපදිංචි නොකළ නියෝජිතයින්ට බාහිර පාර්ශවයන් හරහා රහසිගත ගෙවීම් සිදු කර ඇති බව අනාවරණය වී තිබේ. 2022 වසරේදී ටොඩ් බෝයි ප්රමුඛ නව කළමනාකාරීත්වය කණ්ඩායම භාරගැනීමෙන් පසු ඔවුන් විසින්ම මෙම අක්රමිකතා පිළිබඳ තොරතුරු ප්රිමියර් ලීග් බලධාරීන්ට ලබා දී ඇත. ඔවුන් දැක්වූ මෙම සහයෝගය හේතුවෙන් දඬුවම් ලිහිල් කිරීමට බලධාරීන් තීරණය කර තිබේ. මෙම ගෙවීම් නිවැරදිව වාර්තා කළද, කණ්ඩායම ලාභදායිත්ව සහ තිරසාර රීති (PSR) උල්ලංඝනය නොකරන බව බලධාරීන් තීරණය කර ඇති බැවින් දඬුවම දඩයකට පමණක් සීමා වී ඇත.
කෙසේ වෙතත්, ඉංග්රීසි පාපන්දු සංගමය (FA) විසින් ද චෙල්සි කණ්ඩායමට එරෙහිව රීති උල්ලංඝනය කිරීම් 74ක් සම්බන්ධයෙන් චෝදනා එල්ල කර ඇති අතර ඒ පිළිබඳ විමර්ශන ඉදිරියට ක්රියාත්මක වේ.
