එක්සත් අරාබි එමීර් රාජ්යයේදී ගල්ෆ් කලාපීය ජාතිකයෙකු රවටා එක්සත් අරාබි එමීර් රාජ්යයේ ඩිරාම් මිලියන 2.4ක මුදලක් වංචා කළ ගල්ෆ් ජාතික කාන්තාවකට සහ අරාබි ජාතික පිරිමියෙකුට එරෙහිව වසර තුනක සිරදඬුවම් නියම කිරීමට අභියාචනාධිකරණය තීරණය කර තිබේ. මෙම නඩුව මුලින් පහළ උසාවියක විභාග වූ අවස්ථාවේදී ප්රමාණවත් සාක්ෂි නොමැති බව පවසමින් සැකකරුවන් නිදහස් කර තිබූ අතර, පසුව පැමිණිල්ල විසින් එම තීන්දුව අභියෝගයට ලක් කරමින් ඉදිරිපත් කළ කරුණු සලකා බැලීමෙන් අනතුරුව මෙම නව තීන්දුව ලබා දී ඇත.
අධිකරණ වාර්තාවලට අනුව, අදාළ කාන්තාව තමන් එම එමීර් රාජ්යයේ ප්රමුඛ පෙළේ ප්රභූවරයෙකුගේ ඥාතියෙකු බව පවසමින් ව්යාජ අනන්යතාවක් මවා පා තිබේ. තමන් සතුව ඩිරාම් බිලියන ගණනක ආයෝජන පවතින බවත්, ඉතා බලගතු ව්යාපාරික කාන්තාවක ලෙසත් පෙනී සිටිමින් පැමිණිලිකරු රවටා ඇති ඇය, ලාභදායී මූල්ය අවස්ථාවන් සලසා දෙන බව පවසා අදාළ මුදල ලබාගෙන ඇත. මෙම සාක්ෂි සියල්ල සලකා බැලූ අභියාචනාධිකරණය, සැකකරුවන් සූක්ෂ්ම ලෙස සැලසුම් කර අදාළ පුද්ගලයා රැවටීමට ලක් කර ඇති බව තීන්දු කරමින් ඔවුන්ට මෙම සිරදඬුවම නියම කළේය.
