ඇෆ්ගනිස්ථානය සහ පකිස්ථානය අතර පවතින දේශසීමා ගැටුම් හත්වන දිනටත් දරුණු ලෙස ක්රියාත්මක වන අතර, මේ හේතුවෙන් ඇෆ්ගන් වැසියන් 66,000කට ආසන්න පිරිසක් අවතැන් වී ඇති බව එක්සත් ජාතීන්ගේ සංවිධානය නිවේදනය කරයි. එක්සත් ජාතීන්ගේ සංක්රමණිකයන් පිළිබඳ ජාත්යන්තර සංවිධානය (IOM) පවසන්නේ දෙරට අතර පවතින ෂෙල් වෙඩි ප්රහාර සහ පිපිරීම් හේතුවෙන් සිවිල් වැසියන් දැඩි මානුෂීය අර්බුදයකට මුහුණ දී සිටින බවයි.
දෙරට වෙන් කරන කිලෝමීටර් 2,640ක් දිගැති “ඩියුරන්ඩ් රේඛාව” (Durand Line) ආසන්නයේ පසුගිය සතියේ තලේබාන් බලධාරීන් විසින් පකිස්ථාන හමුදාවට එරෙහිව මෙහෙයුමක් ආරම්භ කිරීමත් සමඟ මෙම ගැටුම් උත්සන්න විය. මේ වන විට ඇෆ්ගනිස්ථානයේ නැගෙනහිර සහ ගිනිකොනදිග ප්රදේශවල යටිතල පහසුකම් රැසකට හානි සිදුව ඇති අතර, සිවිල් වැසියන් විශාල ප්රමාණයක් මියගොස් ඇති බව ද වාර්තා වේ. පකිස්ථානය මේ සම්බන්ධයෙන් කිසිදු සාකච්ඡාවකට සූදානම් නැති බව ප්රකාශ කර ඇති අතර, තලේබාන් පාර්ශවය පවසන්නේ ප්රහාර නතර කර සාකච්ඡා මාර්ගයෙන් ගැටලු විසඳා ගැනීමට තමන් විවෘතව සිටින බවයි.
