ඉරාන උත්තරීතර නායක අයතුල්ලා අලි කමේනි ඝාතනය කිරීමෙන් පසුව හටගෙන ඇති උණුසුම්කාරී වාතාවරණය මධ්යයේ, ඉරාන ජාතික ආරක්ෂක මණ්ඩලයේ ලේකම් අලි ලාරිජානි (Ali Larijani) විසින් අමෙරිකානු ජනාධිපති ඩොනල්ඩ් ට්රම්ප් වෙත දැඩි විවේචනයක් එල්ල කර තිබේ.
ට්රම්ප් විසින් මීට පෙර ඉදිරිපත් කළ ‘අමෙරිකාව ප්රථමයෙන්’ (America First) යන සටන් පාඨය, දැන් ඊශ්රායලයේ අවශ්යතා වෙනුවෙන් ‘ඊශ්රායලය ප්රථමයෙන්’ (Israel First) යන්න දක්වා පරිවර්තනය කර ඇති බව ඔහු පවසයි. ඊශ්රායලයේ බල ලෝභය වෙනුවෙන් අමෙරිකානු සෙබළුන්ගේ ජීවිත පූජා කිරීමට ට්රම්ප් කටයුතු කර ඇති බවට ඔහු චෝදනා කරයි.
ට්රම්ප්ගේ “මුළා වූ මනඃකල්පිත” (Delusional fantasies) හේතුවෙන් මුළු මැදපෙරදිග කලාපයම අවුල් ජාලයකට ඇද දමා ඇති අතර, ඉරානය කිසිවිටකත් මෙම ගැටුම ආරම්භ නොකළ බවත්, තමන් කරනු ලබන්නේ ආත්මාරක්ෂාව සඳහා ප්රතිචාර දැක්වීම පමණක් බවත් ලාරිජානි අවධාරණය කරයි.
මෙම ප්රහාරවලින් පසුව අමෙරිකාව සමඟ නැවත කිසිදු සාකච්ඡාවකට (Negotiations) ඉරානය සූදානම් නැති බව ද ඔහු අවධාරණය කර ඇත. ඊයේ දිනයේදී ඉරානය විසින් එල්ල කළ මිසයිල ප්රහාරවලින් පසුව, අද දිනයේදී මීට පෙර අත්නොවිඳි ආකාරයේ දැවැන්ත ප්රතිප්රහාරයක් එල්ල කරන බවට ද ඔහු අනතුරු අඟවා තිබේ.
