ග්‍රාමීය මාර්ග කිලෝ මීටර් ලක්ෂයක් සංවර්ධනය කිරීමේ කිරීමේ ජාතික වැඩසටහන යටතේ අනුරාධපුර දිස්ත්‍රික් මාර්ග සංවර්ධන ව්‍යාපෘති ඇරඹේ.

රට හදන “සෞභාග්‍යයේ දැක්ම” අනුව යමින් ග්‍රාමීය මාර්ග කිලෝ මීටර් ලක්ෂයක් සංවර්ධනය කිරීමේ ජාතික වැඩසටහන යටතේ අනුරාධපුර දිස්ත්‍රික්කයේ මාර්ග සංවර්ධන ව්‍යාපෘති ග්‍රාමීය මාර්ග හා අවශේෂ යටිතල පහසුකම් රාජ්‍ය අමාත්‍ය නිමල් ලාන්සා මහතාගේ ප්‍රධානත්වයෙන් ඊයේ(05) දින ආරම්භ කෙරිණි.

ඒ අනුව ඉඩම් අමාත්‍ය එස්.එම්.චන්ද්‍රසේන මහතාගේ ඉල්ලීමකට අනුව අනුරාධපුර රාජාංගනය යාය 18 මාර්ගය කාපට් අතුරා සංවර්ධනය කිරීමේ කටයුතු ආරම්භ කරනු ලැබීය.

කිලෝ මීටර් 4.1 ක දුරකින් යුක්ත මෙම මාර්ගය කාපට් අතුරා සංවර්ධනය කිරීමට රුපියල් මිලියන 100 ක මුදලක් වෙන් කර තිබේ.

මෙම අවස්ථාවට උතුරු මැද පළාත් සභාවේ හිටපු ප්‍රධාන අමාත්‍ය එස්.එම්.රංජිත් සමරකෝන්, මාර්ග සංවර්ධන අධිකාරියේ නිලධාරීන් ඇතුළු පිරිසක් සහභාගි වී සිටියහ.