බැග්ඩෑඩ්හි පිහිටි ප්රධාන අමෙරිකානු රාජ්යතාන්ත්රික මධ්යස්ථානයක් ඉලක්ක කර ගනිමින් එල්ල වූ ඩ්රෝන ප්රහාරය සම්බන්ධයෙන් අමෙරිකානු නියෝජ්ය රාජ්ය ලේකම් ක්රිස්ටෝපර් ලැන්ඩෝ (Christopher Landau) විසින් ඉරාක තානාපතිවරයා ඊයේ (09) කැඳවා තිබේ. බැග්ඩෑඩ් ජාත්යන්තර ගුවන් තොටුපළ සහ ඒ අසල පිහිටි රාජ්යතාන්ත්රික ආධාරක මධ්යස්ථානය වෙත ඉරානයට හිතවාදී “ත්රස්තවාදී මිලීෂියා” කණ්ඩායමක් විසින් මෙම ප්රහාර කිහිපය එල්ල කර ඇති බව අමෙරිකානු තානාපති කාර්යාලය චෝදනා කරයි.
මෙහිදී අදහස් දක්වමින් නියෝජ්ය රාජ්ය ලේකම්වරයා සඳහන් කළේ ඉරාක ආරක්ෂක අංශ මෙම ප්රහාරයට ප්රතිචාර දැක්වීමට ගත් උත්සාහය අගය කරන නමුත්, මෙවැනි ප්රහාර වළක්වා ගැනීමට ඉරාක රජය අපොහොසත් වී ඇති බවයි. පවතින ඉරාන-අමෙරිකා යුදමය තත්ත්වය හමුවේ මෙවැනි ප්රහාර එල්ල වීම කලාපීය ආරක්ෂාවට දැඩි තර්ජනයක් බව ද අමෙරිකානු රාජ්ය දෙපාර්තමේන්තුව අවධාරණය කළේය.
