තම නිවසේ සේවය කරන කෝකියා පලතුරු සොරකම් කරන බවට සැක කළ බැංගලෝර්හි පදිංචි මෘදුකාංග ඉංජිනේරුවෙකු වන පන්කාජ් තන්වාර් (Pankaj Tanwar), ඇයව හසුකර ගැනීමට කෘත්රිම බුද්ධියෙන් ක්රියාත්මක වන නිරීක්ෂණ පද්ධතියක් (AI Monitor) නිර්මාණය කර තිබේ.
පන්කාජ් විසින් නිර්මාණය කරන ලද මෙම පද්ධතිය ඔහු හඳුන්වන්නේ “AI Roommate” යනුවෙනි. ශීතකරණය අසල සිදුවන චලනයන් නිරීක්ෂණය කර අදාළ පුද්ගලයා හඳුනා ගැනීමටත්, ඔවුන් කරන ක්රියාවන් සජීවීව පටිගත කිරීමටත් මෙම පද්ධතියට හැකියාව ඇත.
මෙම AI තාක්ෂණය මගින් අදාළ සේවිකාව අවස්ථා කිහිපයකදීම ශීතකරණයෙන් ඇපල්, බ්ලූබෙරි සහ කෙසෙල් සොරකම් කරන අයුරු වීඩියෝ ගත කර ඇත. සොරකම “රතු කට්ටේම” අසුකර ගැනීමෙන් පසු පන්කාජ් විසින් එම සේවිකාව වහාම සේවයෙන් ඉවත් කිරීමට පියවර ගෙන තිබේ.
තම නව නිපැයුම් පිළිබඳව සමාජ මාධ්ය ඔස්සේ නිරන්තරයෙන් අදහස් දක්වන පන්කාජ්, මෙම සිදුවීම X (ට්විටර්) ජාලය හරහා ප්රසිද්ධ කර ඇත. මෙය මේ වන විට බොහෝ දෙනාගේ අවධානයට ලක්ව ඇති අතර නිවෙස්වල ආරක්ෂාව සඳහා AI තාක්ෂණය යොදා ගත හැකි ආකාරය පිළිබඳව කතාබහක් ද නිර්මාණය වී තිබේ.
