ඉන්දියාවේ භාරතීය ජනතා පක්ෂය (BJP) විසින් 2026 රාජ්ය සභා (ඉහළ මන්ත්රී මණ්ඩලය) ද්විවාර්ෂික මැතිවරණය සඳහා සිය අපේක්ෂකයින් අද (මාර්තු 03) නිල වශයෙන් ප්රකාශයට පත් කරන ලදී. මෙහිදී බිහාර්, ඇසෑම්, චතිස්ගාර්, හර්යානා, ඔඩිෂා සහ බටහිර බෙංගාලය යන ප්රාන්ත හය නියෝජනය කරමින් අපේක්ෂකයින් නම් කර ඇති බව නවදිල්ලියේ පිහිටි පක්ෂ මධ්යස්ථානය නිකුත් කළ නිවේදනයක සඳහන් වේ.
මෙම අපේක්ෂක ලැයිස්තුවේ විශේෂත්වය වන්නේ බිහාර් ප්රාන්තයෙන් නම් කර ඇති අපේක්ෂකයින් අතරට වර්තමාන BJP ජාතික සභාපති නිටින් නබින් (Nitin Nabin) මහතා ද ඇතුළත් වීමයි. පසුගිය ජනවාරි 20 වනදා පක්ෂ නායකත්වයේ තරුණ පරම්පරාවේ වෙනසක් සනිටුහන් කරමින් ඔහු පක්ෂ සභාපති ධුරයට පත් වූ අතර, රාජ්ය සභාව සඳහා ඔහු නම් කිරීම පක්ෂයේ ඉදිරි දේශපාලන ක්රියාවලියේ වැදගත් සන්ධිස්ථානයක් ලෙස සැලකේ. මීට අමතරව බිහාර් ප්රාන්තයෙන් ශිවේෂ් කුමාර් ද අපේක්ෂකයෙකු ලෙස නම් කර ඇත.
