මත්පැන් පානය කර රිය පැදවීමේ චෝදනාව (DUI) මත පසුගිය මාර්තු 4 වනදා අත්අඩංගුවට පත්වීමෙන් සති කිහිපයකට පසු, සුපිරි ගායන තරුවක් වන බ්රිට්නි ස්පියර්ස් (Britney Spears) ස්වේච්ඡාවෙන්ම පුනරුත්ථාපන මධ්යස්ථානයකට ඇතුළත් වී තිබේ. කැලිෆෝනියාවේ වෙන්චුරා ප්රාන්තයේදී මත්පැන් සහ මත්ද්රව්ය භාවිත කර රිය පැදවීමේ සැකය මත ඇයව අත්අඩංගුවට ගෙන පැය කිහිපයකින් පසු මුදා හැර ඇති බව වාර්තා වේ.
ඇයගේ නියෝජිතයෙකු ප්රකාශ කළේ බ්රිට්නිගේ මෙම ක්රියාව “කිසිසේත්ම සමාව දිය නොහැකි” එකක් බවත්, මෙය ඇයගේ ජීවිතයේ සිදුවිය යුතු දීර්ඝ කාලීන වෙනසක පළමු පියවර වනු ඇති බවත්ය. ඇය පසුගිය මාර්තු 27 වනදා සිය පුත්රයා සමඟ නර්තනයේ යෙදෙන වීඩියෝවක් සමාජ මාධ්ය වෙත මුදා හරිමින්, තමාට සහාය දුන් සියලු දෙනාට ස්තූතිය පළ කළ අතර පවුලේ අය සහ මිතුරන් සමඟ කාලය ගත කිරීම මහත් ආශිර්වාදයක් බවද සඳහන් කර තිබුණි.
