පසුගිය 2025 වසර තුළ ජාතික ළමා ආරක්ෂක අධිකාරිය වෙත පැමිණිලි 10,455ක් වාර්තා වී ඇති බව එම අධිකාරියේ අධ්යක්ෂ (සැලසුම් හා තොරතුරු) නීතිවේදී සමාජ විද්යාඥ ශානික මලල්ගොඩ මහත්මිය අනාවරණය කරයි. රජයේ ප්රවෘත්ති දෙපාර්තමේන්තුවේ අද (06) පැවැති මාධ්ය හමුවකදී ඇය පෙන්වා දුන්නේ මෙම පැමිණිලි අතරින් 2,099ක්ම වාර්තා වී ඇත්තේ ළමයින් කෘරත්වයට පත් කිරීම සම්බන්ධයෙන් බවයි.
එමෙන්ම, මෙම වසරේ (2026) පෙබරවාරි 28 වැනිදා වන විට කායික දණ්ඩනය සම්බන්ධ පැමිණිලි සංඛ්යාව 11,409ක් දක්වා ඉහළ ගොස් ඇති බව ද මෙහිදී අනාවරණය විය. ළමයෙකු කායික අපයෝජනයට හෝ දණ්ඩනයට ලක්වන බව දුටුවහොත් හෝ ඒ පිළිබඳ තොරතුරක් ලැබුණහොත් වහාම ක්රියාත්මක වන ලෙස බලධාරීහු මහජනතාවගෙන් ඉල්ලා සිටිති.
ඕනෑම අයෙකුට 1929 යන ළමා උපකාරක දුරකථන අංකය ඔස්සේ නොමිලයේ ඇමතුම් ලබා දෙමින් මෙවැනි සිදුවීම් පිළිබඳ පැමිණිලි ඉදිරිපත් කළ හැකිය. දරුවන්ගේ ආරක්ෂාව තහවුරු කිරීම සඳහා මහජන සහයෝගය අත්යවශ්ය බව ජාතික ළමා ආරක්ෂක අධිකාරිය වැඩිදුරටත් අවධාරණය කරයි.
