සියලුම රාජ්ය නිලධාරීන් නීත්යානුකූලව තම වත්කම් හා බැරකම් ප්රකාශ කළ යුතු බවත්, එසේ කිරීමට අපොහොසත් වන අයට එරෙහිව දැඩි නීතිමය පියවර ගන්නා බවත් අල්ලස් හෝ දූෂණ චෝදනා විමර්ශන කොමිෂන් සභාවේ (CIABOC) අධ්යක්ෂ ජනරාල් රංග දිසානායක මහතා අවධාරණය කර සිටියි. වත්කම් හා බැරකම් ප්රකාශ කිරීම සඳහා වන නව විද්යුත් පද්ධතියක් (E-system) හඳුන්වා දීම වෙනුවෙන් බණ්ඩාරනායක ජාත්යන්තර සම්මන්ත්රණ ශාලාවේ පැවති උත්සවයකදී ඒ මහතා මේ බව කියා සිටියේය.
මෙහිදී විශේෂ ප්රකාශයක් කළ අධ්යක්ෂ ජනරාල්වරයා කියා සිටියේ, යම් පුද්ගලයෙකු සතු වත්කම් ඔහුගේ දන්නා ආදායම් මාර්ගවලට වඩා වැඩි නම් සහ ඒවා උපයාගත් ආකාරය ඔප්පු කිරීමට අපොහොසත් වන්නේ නම්, එම සියලු වත්කම් අල්ලස් මඟින් උපයාගත් ඒවා ලෙස නීතිය ඉදිරියේ උපකල්පනය කරන බවයි.
එසේම මෙරට පවතින වෘත්තීය සමිති 2,000 කට අධික ප්රමාණයක විධායක නිලධාරීන්ද සිය වත්කම් ප්රකාශ ඉදිරිපත් කිරීමට නීත්යානුකූලව බැඳී සිටින නමුත්, ඔවුන් බොහෝ දෙනෙකු එසේ කර නොමැති වීම විශාල ගැටලුවක් බවත්, ඔවුන්ට එරෙහිව දඩුවම් පැමිණවීමට සහ නඩු පැවරීමට කොමිසම පියවර ගනිමින් සිටින බවත් ඔහු සඳහන් කළේය. මේ අතර, ප්රසිද්ධ කරන වත්කම් ප්රකාශවල තොරතුරු ඇතැම් පිරිස් අනිසි ලෙස පුද්ගලිකත්වයට හානි වන පරිදි භාවිත කරන බැවින්, එලෙස වැරදි ලෙස භාවිත කරන්නන්ට එරෙහිව දඬුවම් කිරීමට දූෂණ විරෝධී පනතට සංශෝධන යෝජනා කර ඇති බවද ඒ මහතා පැවසීය.
මෙහිදී අදහස් දැක්වූ අල්ලස් කොමිසමේ සභාපති විනිසුරු නීල් ඉද්දවෙල මහතා සඳහන් කළේ කොමිසමේ කාර්යක්ෂමතාව වැඩි කිරීම සඳහා දිස්ත්රික් මට්ටමින් කාර්යාල 24 ක් පිහිටුවීමට කටයුතු කරමින් සිටින බවයි. එසේම සාමාන්ය අපරාධ නඩුවල පවතින සියයට 4 ත් 6 ත් අතර වූ අඩු වරදකරුවන් කිරීමේ ප්රතිශතය හා සසඳන විට, අල්ලස් කොමිසම මෙහෙයවන නඩුවල වරදකරුවන් කිරීමේ ප්රතිශතය සියයට 50 ත් 55 ත් අතර ඉහළ මට්ටමක පවතින බවද ඔහු වැඩිදුරටත් කියා සිටියේය.
