ලංකා ගල්අඟුරු සමාගමේ පරිශ්රයට සීල් තැබීම හේතුවෙන් මෙරටට පැමිණි ගල්අඟුරු නැව් ගොඩබෑමේ කටයුතු සම්පූර්ණයෙන්ම අත්හිටුවා තිබේ. මෙම හදිසි තත්ත්වය හමුවේ එහි සේවය කළ සේවකයින් ද ආපසු නිවෙස් බලා පිටත් කර යවා ඇති අතර, මෙහෙයුම් කටයුතු ඇණහිටීම නිසා දැවැන්ත මූල්ය අර්බුදයක් නිර්මාණය වෙමින් පවතී. අදාළ පරිශ්රය වසා දැමීමට හේතුව මෙතෙක් නිල වශයෙන් අනාවරණය වී නොමැති වුවද, එමඟින් බලශක්ති උත්පාදන පද්ධතියට ද දැඩි බලපෑම් එල්ල වීමේ අවදානමක් පවතී.
නැව් ගොඩබෑම ප්රමාද වීම හේතුවෙන් එක් නෞකාවක් සඳහා දිනකට ඇමරිකානු ඩොලර් 17,500ක ප්රමාද ගාස්තුවක් (Demurrage) ගෙවීමට රජයට සිදුවන බව වාර්තා වේ. පවතින විදේශ විනිමය අර්බුදය හමුවේ මෙවැනි විශාල මුදලක් දඩ වශයෙන් ගෙවීමට සිදුවීම ජාතික ආර්ථිකයට බරපතල පහරකි. මෙම ගැටලුව කඩිනමින් විසඳා මෙහෙයුම් ආරම්භ නොකළහොත්, ඉදිරියේදී විදුලි උත්පාදනය සඳහා අවශ්ය ගල්අඟුරු සැපයුම ද අඩාල විය හැකි බවට ක්ෂේත්ර බලධාරීන් අනතුරු අඟවති.
