දුරකතන සමාගමකින් රුපියල් දෙලක්ෂ පනස් හත්දහසක ත්යාගයක් දිනා ඇති බවට පවසමින් සිදුකළ වංචනික ඇමතුමකට හසුවූ දොඩන්දූව ප්රදේශයේ කාන්තාවකගේ බැංකු ගිණුමෙන් රුපියල් ලක්ෂ 33ක මුදලක් වංචා කර ඇති බව ගාල්ල පොලිසිය පවසයි. මෙම දැවැන්ත මූල්ය වංචාව සම්බන්ධයෙන් සැකකරුවන් අත්අඩංගුවට ගැනීම සඳහා විශේෂ විමර්ශනයක් ආරම්භ කර තිබේ.
මෙම වංචාව සිදුවූ ආකාරය පිළිබඳව විමසා බැලීමේදී, අදාළ පුද්ගලයා දුරකතන සමාගමක නියෝජිතයෙකු ලෙස පෙනී සිටිමින් ත්යාග මුදල බැර කිරීම සඳහා ඇයගේ බැංකු ගිණුම් අංකය, ඒ.ටී.එම්. (ATM) කාඩ්පතේ ඡායාරූපයක් සහ එහි රහස්ය අංකය ඉල්ලා ඇත. ඉන් පසුව ඇය විසින් ලබාදුන් තොරතුරු උපයෝගී කරගනිමින් විනාඩි කිහිපයක් ඇතුළත ඇයගේ ගිණුමේ තිබූ මුදල් ගිණුම් අටකට හුවමාරු කරගෙන ඇති බව මූලික විමර්ශනවලදී අනාවරණය විය. විශේෂත්වය වන්නේ බැංකුවෙන් ජංගම දුරකතනයට ලැබෙන කෙටි පණිවුඩ පවා අවහිර කරමින් (Hack) මෙම වංචාව ඉතා සූක්ෂම ලෙස සිදුකර තිබීමයි.
