අමෙරිකාව සහ ඊශ්රායලය ඉරානයට එරෙහිව දියත් කළ මෙහෙයුම් හමුවේ මැදපෙරදිග කලාපයේ ප්රධාන ගුවන්තොටුපළවල් රැසක මෙහෙයුම් අත්හිටුවීමට ගුවන් සමාගම් පියවර ගෙන තිබේ. ආරක්ෂක හේතූන් මත ගුවන් ගමන් අවලංගු කිරීම සහ වෙනත් මාර්ග වෙත හරවා යැවීම දිගින් දිගටම සිදුවන බව විදෙස් මාධ්ය වාර්තා කරයි.
ලොව කාර්යබහුලම ගුවන්තොටුපළක් වන ඩුබායි ජාත්යන්තර ගුවන්තොටුපළට එල්ල වූ ප්රහාරවලින් එක් අයෙකු මියගොස් තවත් 11 දෙනෙකු තුවාල ලබා ඇති අතර, තුවාල ලැබූවන් අතර කාර්ය මණ්ඩල සාමාජිකයන් සිව්දෙනෙකු ද වේ. මේ හේතුවෙන් එමරේට්ස් ගුවන් සේවය අද (සඳුදා) පස්වරු 15:00 දක්වා ඩුබායි මෙහෙයුම් අත්හිටුවා ඇති අතර, එතිහාඩ් ගුවන් සේවය ද අබුඩාබි සිට ක්රියාත්මක ගුවන් ගමන් අත්හිටුවා ඇත.
බ්රිතාන්යය, බහරේනය, කුවේට්, කටාර් සහ එක්සත් අරාබි එමීර් රාජ්යය වෙත අත්යවශ්ය සංචාර පමණක් සීමා කරන ලෙස තම පුරවැසියන්ට අනතුරු අඟවා තිබේ. බ්රිතාන්ය රජය සිය ජාතිකයන් මැදපෙරදිගින් ඉවත් කිරීම සඳහා මේ වන විටත් හදිසි සැලසුම් සකස් කරමින් සිටින බව වාර්තා වේ.
කටාර් රාජ්යය සිය ගුවන් කලාපය තවදුරටත් වසා තබා ඇති බැවින් කටාර් ගුවන් සේවය (Qatar Airways) සියලු මෙහෙයුම් තාවකාලිකව නතර කර ඇත. හීත්රෝ, අම්මාන් සහ ටෙල් අවිව් වැනි නගර අතර ගුවන් සේවාවන් ද ඉදිරි දින කිහිපය තුළ ක්රියාත්මක නොවන බව ගුවන් සමාගම් නිවේදනය කර තිබේ.
