ඉරානයට එරෙහිව ඇමරිකාව සහ ඊශ්රායලය ආරම්භ කළ යුදමය මෙහෙයුමත් සමඟ, ලොව පුරා දැඩි ආන්දෝලනයක් ඇති කළ ජෙෆ්රි එප්ස්ටයින්ගේ රහස් ලිොනු පිළිබඳ පුවත් කෙරෙහි තිබූ මහජන අවධානය සීඝ්රයෙන් පහත වැටී ඇති බව දේශපාලන විශ්ලේෂකයින් පෙන්වා දෙයි. යුද්ධය ආරම්භ වීමට පෙර බ්රිතාන්යයේ ඇන්ඩෘ කුමරු සහ හිටපු තානාපති පීටර් මැන්ඩෙල්සන් වැනි ප්රබල පුද්ගලයින් අත්අඩංගුවට පත්වීමත් සමඟ බ්රිතාන්ය රජය පවා සලිත වී තිබුණද, වත්මන් යුද වාතාවරණය හමුවේ එම පුවත් යටපත් වී තිබේ. රිපබ්ලිකන් පාක්ෂික ඇමරිකානු කොංග්රස් සභික තෝමස් මැසී (Thomas Massie) මේ පිළිබඳව අදහස් දක්වමින් පවසා ඇත්තේ “ලෝකයේ අනෙක් පස පිහිටි රටකට බෝම්බ හෙලීමෙන් එප්ස්ටයින් ලිොනු ඉවතට නොයන” බවයි.
එප්ස්ටයින්ගේ ලිොනු හරහා හිටපු ඇමරිකානු ජනාධිපති බිල් ක්ලින්ටන් සහ හිලරි ක්ලින්ටන් මෙන්ම ඊශ්රායලයේ හිටපු අගමැති එහුඩ් බාරක් වැනි ලෝක මට්ටමේ නායකයින් රැසකගේ සබඳතා අනාවරණය වී තිබේ. ඇතැම් පාර්ශව චෝදනා කරන්නේ එප්ස්ටයින් ඊශ්රායලයේ මොසාඩ් (Mossad) බුද්ධි අංශය සමඟ සබඳතා පැවැත්වූ ඔත්තුකරුවෙකු බවයි. යුද්ධය හේතුවෙන් මෙම බරපතළ හෙළිදරව් කිරීම් පිළිබඳව කෙරෙන ජාත්යන්තර පරීක්ෂණ අඩාල වීමේ අවදානමක් පවතින බවත්, බලවත් පුද්ගලයින් සිය වැරදි වසන් කර ගැනීමට යුදමය වාතාවරණය භාවිත කරන්නේද යන සැකය දේශපාලන විචාරකයින් අතර දැන් මතුවෙමින් පවතී.
