මැදපෙරදිග කලාපයේ පවතින උග්ර යුදමය තත්ත්වය හේතුවෙන් අත්යවශ්ය ආහාර ද්රව්යවල මිල ඉහළ යාමේ හැකියාවක් පවතින බව වෙළෙඳ සහ ආහාර සුරක්ෂිතතා අමාත්ය වසන්ත සමරසිංහ මහතා පවසයි. සැපයුම් මාර්ගවල පවතින බාධාකාරී තත්ත්වයන් මෙලෙස මිල ඉහළ යාමට ප්රධානතම හේතුව වී ඇති බව අමාත්යවරයා පෙන්වා දෙයි.
ශ්රී ලංකාවට අවශ්ය අර්තාපල් සහ ලොකු ලූනු අවශ්යතාවයෙන් 80% කට වඩා වැඩි ප්රමාණයක් මෙන්ම පරිප්පු අවශ්යතාවයෙන් සම්පූර්ණ ප්රමාණයම (100%) විදේශවලින් ආනයනය කරන බැවින්, ගෝලීය සැපයුම් ජාලයේ සිදුවන ඕනෑම වෙනසක් මෙම භාණ්ඩවල මිල කෙරෙහි සෘජුව බලපාන බව ඔහු සඳහන් කළේය. කෙසේ වෙතත්, උත්සව සමය ඉලක්ක කර ගනිමින් සිදුවන අසාධාරණ මිල ඉහළ නැංවීම් පාලනය කිරීමට රජය උපරිමයෙන් කටයුතු කරන බව ද අමාත්යවරයා මාධ්ය හමුවකදී වැඩිදුරටත් අවධාරණය කළේය.
