දේශීය හා ජාත්‍යන්තර වශයෙන් පාරිභෝගිකයින් අතර කීර්තියට පත් නිමි ඇදුම් නිෂ්පාදනයේ ප්‍රමුඛ සන්නාමයක් වන Gflock සිය ශාඛා ජාලය පුළුල් කරමින් එහි සිව්වන ශාඛාව නූගේගොඩ, දෙල්කද දී පසුගිය 15 වෙනිදා සභාපති රනිල් විල්ලද්දරගේ මහතාගේ ප්‍රධානත්වයෙන් විවෘත කරනු ලැබීය.
සම්ප්‍රදායෙන් ඔබ්බට ගිය නවීනතම විලාසිතා හා විවිධ මෝස්තර වලින් යුක්ත නිමි ඇදුම් පාරිභෝගිකයින්ට අවශ්‍ය පරිදි තෝරා ගැනීමට පහසුකම් සලසා දී තිබේ. උසස් තත්තවයෙන් යුතු අමුද්‍රව්‍ය තුළින් නිර්මාණය කරන ලද නවීන මෝස්තර වලින් අනූනය. නවතම දෘශ්‍ය වෙළඳ තාක්‍ෂණයෙන් සමන්විතය. වඩා කැපී පෙනෙන වෙනසක් සහිතව නිර්මාණශීලි නිෂ්පාදන තෝරා ගැනීමට සහ මිලදී ගැනීමටත්, සුහදශීලි කාර්ය මණ්ඩලයකගේ පූළුල් සේවාවක් ගෞරවණීය පාරිභෝගිකයින්ට ලබා දීමට කටයුතු යොදා තිබේ.
වසර දහයකට අධික කාලයක් පාරිභෝගික හදවත් දිනාගනිමින් Gflock සන්නාමය ඔවුන් වෙත සමීප වී තිබේ. වර්තමානය වන විට දේශීය හා ජාත්‍යන්තරව ප්‍රමුඛ පෙළේ සන්නාමයක් බවට Gflock පත්ව තිබේ. විශේෂයෙන් විදේශ විනිමය ඉපැයීම ඉලක්ක කොටගෙන නිර්මාණශීලි තරුණ තරුණියන්ගේ අද්දැකීම් උපයෝගිකොටගෙන ශ්‍රී ලාංකීය ආර්ථිකය ශක්තිමත් කිරිමට දායකත්වය ලබා දෙන දේශීය ව්‍යාපාර සන්නාමයකි.
ඉදිරි වසර කිහිපය තුළ ශ්‍රී ලංකාවේ මෙන්ම ජාත්‍යන්තරවද තවදුරටත් පුළුල් ව්‍යාපාර සන්නාමයක් ලෙස ඉහළට ඔසවා තැබීමේ අරමුණ පෙරදැරිව, රට තුළ එහි ව්‍යාප්තිය පුළුල් කරමින් ආයතනික සහ සමාජ වගකීමද ඉටු කරමින් ක්‍රියාත්මක කරන බව රනිල් විල්ලද්දරගේ මහතා පැවසීය.
Gflock කණ්ඩායම පරාර්ථකාමීත්වය, විනය, අධිෂ්ඨානය, උත්සහය හා අවංකභාවය පෙරදැරි කොටගෙන ගනුදෙනුකරුවන්ගේ අයිතිවාසිකම් සහ අවශ්‍යතාවලට ගරු කරමින් ව්‍යාපාරයේ මෙහෙයුම් කටයුතු අඛණ්ඩව සිදු කරයි. Gflock ශාඛා ජාලය කොල්ලුපිටිය, පැලවත්ත, මීගමුව හා දෙල්කද යන ස්ථානයන්හි විවෘතව පවතී.
පිටපත -PR
