අපනයන කෘෂිකර්ම දෙපාර්තමේන්තුව මගින් ක්රියාත්මක කෙරෙන “පොකුරු ගම්මාන” වැඩසටහනේ සමාරම්භයට සමගාමීව, කෑගල්ල වරකාපොල ප්රාදේශීය ලේකම් කොට්ඨාසයේ පිහිටි ගස්නාව මධ්යම පැළ තවාන සහ ගොවිපළ ඊයේ (10) කෘෂිකර්ම, පශු සම්පත්, ඉඩම් හා වාරිමාර්ග අමාත්ය කේ.ඩී. ලාල්කාන්ත මහතාගේ නිරීක්ෂණයට ලක්විය. අක්කර 41ක වපසරියකින් යුත් මෙම මධ්යස්ථානය සබරගමුව පළාතේ අපනයන කෘෂිකර්ම දෙපාර්තමේන්තුවට අයත් එකම පැළ තවානයි.
ගුණාත්මක අපනයන භෝග පැළ නිෂ්පාදනය, මව් ශාක උද්යාන පවත්වාගෙන යාම සහ කෘෂි තාක්ෂණික සිසුන්ට පුහුණුව ලබාදීම වැනි වැදගත් සේවාවන් රැසක් මෙම මධ්යස්ථානය මගින් සිදුකෙරේ. මෙහිදී ගොවිපළට පිවිසෙන මාර්ගය අලුත්වැඩියා කිරීම පිළිබඳව මෙන්ම, රිලවුන්ගෙන් එනසාල්, කොකෝවා සහ ගොරකා වගාවන්ට සිදුවන හානිය වළක්වා ගැනීම සම්බන්ධයෙන් ද අමාත්යවරයාගේ විශේෂ අවධානය යොමු විය. දිට්වා සුළි කුණාටුවෙන් පසු මෙරට කර්මාන්ත සහ කෘෂිකර්මාන්තය යථා තත්ත්වයට පත් කිරීමට රජය ගන්නා උත්සාහයේ කොටසක් ලෙස මෙම නිරීක්ෂණ චාරිකාව වැදගත් වේ.
