සංවිධානාත්මක අපරාධකරුවෙකු වූ ගණේමුල්ල සංජීව ඝාතනය කිරීමේ සිද්ධියට අදාළව අත්අඩංගුවට ගෙන සිටින සැකකරුවන් ලබන මාර්තු 20 වැනිදා දක්වා යළි රක්ෂිත බන්ධනාගාරගත කිරීමට කොළඹ ප්රධාන මහේස්ත්රාත් අසංග එස්. බෝදරගම මහතා අද (06) නියෝග කළේය. කොළඹ අපරාධ කොට්ඨාසය විසින් ඉදිරිපත් කළ කරුණු සලකා බැලීමෙන් අනතුරුව මෙම තීරණය ගනු ලැබීය.
නඩු විභාගයේදී අනාවරණය වූ කරුණු කිහිපයක් මෙසේය. සැකකරුවන් සිව්දෙනෙකු විවෘත අධිකරණයට ඉදිරිපත් කළ අතර සෙසු පිරිස සූම් (Zoom) තාක්ෂණය ඔස්සේ අධිකරණය හමුවට පෙනී සිටියහ. 21 වැනි සැකකරු වන ‘කමන්ඩෝ සලින්ත’ අධිකරණයට ඉදිරිපත් කරන ලෙස මීට පෙර නියෝග කර තිබුණද බන්ධනාගාර නිලධාරීන් ඔහුව අද දින ඉදිරිපත් කර නොතිබීම විශේෂත්වයකි.
පෑලියගොඩ අපරාධ කොට්ඨාසයේ රැඳවුම් නියෝග මත පසුවන 36 වැනි සැකකරු වන ‘බැකෝ සමන්’ නැමැත්තා ලබන මැයි 26 වැනිදා අධිකරණයට ඉදිරිපත් කරන ලෙසද කොළඹ අපරාධ කොට්ඨාසය මෙහිදී ඉල්ලීමක් කළේය. ඒ අනුව නඩුව ලබන 20 වැනිදා යළි කැඳවීමට නියමිතය.
