AI නැතහොත් කෘතිම බුද්ධිය මේ වන විට බොහෝ තමන්ගේ ක්රියාකාරකම් සදහා බොහෝ දෙනා පාවිච්චි කරන දෙයක්.
මෙයට අවස්ථාවක් උදා කරමින් AI National Expo ප්රදර්ශනය ඊයේ (29) පෙරවරුවේ කොළඹදී ආරම්භ වුණා.
ශ්රී ලංකාවේ තාක්ෂණ ක්ෂේත්රයේ නව යුගයක් සනිටුහන් කරන, මෙම -ජාතික කෘත්රිම බුද්ධි ප්රදර්ශනය සහ සම්මන්ත්රණය- සංවිධානය කරන්නේ, ඩිජිටල් ආර්ථික අමාත්යාංශය සහ එස්.එල්.ටී මොබිටෙල් ආයතනයයි.
මෙරට ආර්ථිකය තුළ කෘත්රිම බුද්ධිය භාවිතා කිරීම ප්රශස්ත කිරීම හරහා ශ්රී ලංකාව කලාපීය මධ්යස්ථානයක් ලෙස වර්ධනය කිරීමේ අරමුණින් මෙම වැඩසටහන ක්රියාත්මක වනවා.
කෘත්රිම බුද්ධිය සම්බන්ධ දේශිය හා ගෝලීය නායකයින්, නවෝත්පාදකයින් සහ ප්රතිපත්ති සම්පාදකයින් මේ සඳහා එක්ව සිටියා.
මේ අතර , Google සමාගම තම AI වේදිකාව වන ජෙමිනිහි (Gemini) ඇති විශේෂාංගයන් සහ ඒ ආශ්රිත අනෙකුත් ප්රතිලාභ නොමිලේ ලබා දීමට එකඟ වී ඇති බව ඩිජිටල් ආර්ථික නියෝජ්ය ඇමති එරංග වීරරත්න AI National Expo ප්රදර්ශනය ආරම්භ කරමින් සඳහන් කර සිටියා.
