ඉරානය, ඇමරිකාව සහ ඊශ්රායලය අතර ඇති වී තිබෙන දරුණු යුදමය ගැටුම් හේතුවෙන් ලෝක වෙළෙඳපොළ දැඩි කැළඹීමකට ලක්ව තිබේ. අල්ජසීරා පුවත් සේවය වාර්තා කරන පරිදි, මෙම කලාපීය නොසන්සුන්තාව ආයෝජකයන් අතර දැඩි අවිනිශ්චිතතාවක් නිර්මාණය කර ඇති අතර එහි සෘජු බලපෑම බොරතෙල් සහ කොටස් වෙළෙඳපොළ වෙත එල්ල වී ඇත.
අද (02) උදෑසන ආසියානු වෙළෙඳපොළේ බ්රෙන්ට් (Brent) වර්ගයේ බොරතෙල් මිල සියයට 13කින් පමණ ශීඝ්රයෙන් ඉහළ ගිය අතර පසුව එය යම් ස්ථාවර මට්ටමකට පත්විය. ජාත්යන්තර මිණුම්දණ්ඩට අනුව බොරතෙල් බැරලයක මිල සියයට 5ක සමස්ත වර්ධනයක් පෙන්වමින් ඇමරිකානු ඩොලර් 76.48ක් ලෙස සටහන් වී තිබේ.
ගෝලීය කොටස් වෙළෙඳපොළ දර්ශකයන් සැලකිය යුතු ලෙස පහත වැටී ඇත. හොංකොංහි හැං සෙං (Hang Seng) දර්ශකය සියයට 2කින් සහ ජපානයේ නිකේ (Nikkei 225) දර්ශකය සියයට 1.5කින් පහත වැටෙමින් අද දින වෙළෙඳ කටයුතු ආරම්භ විය. ඇමරිකානු වෝල් ස්ට්රීට් (Wall Street) වෙළෙඳපොළේ ද කොටස් අනාගත වෙළෙඳාම් (Stock futures) සැලකිය යුතු ලෙස පහත වැටී ඇති බැවින් ඉදිරි දිනය අභියෝගාත්මක වනු ඇතැයි අනාවැකි පළ වේ.
